سادىر جاپاروۆ پرەزيدەنت قوكىلەتتىلىگىن الدى.

حالىقارالىق ۇيىمدار قىرعىزستانداعى ساياسي جاعدايعا الاڭداۋشىلىق بىلدىرگەن مالىمەتتەر تاراتۋدا. بۇلاردىڭ قاتارىندا بۇۇ مەن ەۋرووداق تا بار. ال، قىرعىزستاندا جوعارعى كەڭەس كەزەكتەن تىس جيىن وتكىزىپ، پرەزيدەنتتىڭ وتستاۆكاسىن قابىل الدى.

ەو قىرعىزستانداعى ساياسي جاعدايعا بايلانىستى مالىمدەمەسىندە، پرەزيدەنتتىڭ وكىلەتتىلىگى جاڭادان كەلگەن پرەمەر-مينيسترگە بەرىلگەنى كۇمان تۋعىزاتىنىن ايتقان.

«پرەزيدەنتتىڭ وكىلەتتىلىگى ەلدىڭ كونستيتۋتسياسىندا جازىلعان ەرەجە شەگىندە مەملەكەتتىڭ حالىقارالىق مىندەتتەمەلەرىن ساقتاۋ، ادام قۇقعىن قورعاپ، ەركىندىككە كەپىلدىك بەرۋمەن ەرەكشەلەنەدى. سوندىقتان دا، جوعارعى كەڭەش سپيكەرىنىڭ پرەزيدەنت وكىلەتتىلىگىن پرەمەر-مينيستر سادىر جاپاروۆقا وتكىزىپ بەرگەنى كۇمان تۋعىزادى»، – دەگە ەۋروپالىق وداقتىڭ سىرتقى ساياسات كوميتەتىنىڭ جەتەكشىسى جوزەپ بەررەپ.

بۇۇ تاراپ تا قىرعىزستانداعى ساياسي كۇشتەردى قۇقىقتىق نورمالاردى ساقتاۋعا شاقىرعان. بۇۇ باس حاتشىسىنىڭ ءباسپاسوز ستەفان ديۋجارريك مالىمدەمەسىندە: «قىرعىزستانداعى جاعداي باس حاتشىنىڭ نازارىندا. ەلدەگى بارلىق ساياسي شەشىمدەر بارلىق تاراپتىڭ قاتىسۋىمەن، اشىق جانە كونستيتۋتسيا شەڭبەرىندە جاسالۋىن ءۇمىت ەتەمىز»، – دەگەن.

كەشە، 15 قازان كۇنى قىرعىز رەسپۋبليكاسىنىڭ پرەزيدەنتى ساۋرانباي جانىبەكوۆ (سوورونباي جەەنبەكوۆ) وتستاۆكاعا كەتكەنىن جاريا ەتتى. زاڭ بويىنشا ونىڭ وكىلەتتىلىگى جوعارى كەڭەش سپيكەرىنە وتۋگە ءتيىس. الايدا، سيپكەر وكىلەتتىلىكتەن باس تارتقاندىقتان پرەزيدەنتتىڭ قۇزىرەتتى بيلىگى جاقىندا عانا تۇرمەدەن شىققان سادىر جاپاروۆتىڭ قولىنا ءوتتى.

“The Qazaq Times”