قىتايدىڭ چيڭداۋ (تسينداو) قالاسىندا كوروناۆيرۋس جۇقتىرعاندار انىقتالۋدا. ەل بيلىگى قالانىڭ 9 ميلليون تۇرعىنىن تولىقتاي كوروناۆيرۋستى انىقتاۋ تەستىنەن وتكىزبەك.

رەسمي مالىمەتتەرگە قاراعاندا، كوروناۆيرۋس شەتەلدەن قايتىپ كەلگەن ازاماتتارى اراسىندا بايقالعان. قالا تۇرعىندارىن تولىق تەستىلەۋدەن وتكىزۋ بۇعان دەيىن ۋحان قالاسىندا بولعان ەدى. مامىر ايىندا ۋحانداعى 11 ملن شاماسىنداعى قالا تۇرعىنى تەستتەن وتكەن ەدى.

چيڭداۋ قالاسىنىڭ دەنساۋلىق ساقتاۋ باسقارماسى ءوزىنىڭ الەۋمەتتىك جەلىدەگى پاراقشاسىندا كوروناۆيرۋس جۇقتىرعان 6 ادامنىڭ انىقتالعانىن، تاعى 6 ادامنىڭ سيمپتومسىز ەكەنىن حابارلادى. ۆيرۋسقا شالدىققاندار سانى از بولسا دا، ءارى ونىڭ ءبارى باقىلاۋعا الىنسا دا قالادا تەستىلەۋ وتپەك.

قىتاي قازىر كوروناۆيرۋستى قاتتى باقىلاۋعا الىپ تۇر. قىتايمەن سالىستىرعاندا اقش پەن ەۋروپادا ۆيرۋس ءبىرشاما كەڭ تاراپ كەتكەن. دەگەنمەن، قىتاي ءوزىنىڭ اۆتوريتارلىق رەجيمى ارقىلى كوروناۆيرۋستى باقىلاۋعا الۋدى ءيميدجى ءۇشىن پايدالانىپ وتىرعانى دا بايقالادى.

“The Qazaq Times”