جاپونيا پرەمەر-ءمينيسترى يوسيحيدە سۋگا وڭتۇستىك كورەيا پرەزيدەنتى مۋن چجە ينمەن كەزدەسۋدەن باس تارتتى. Kyodo اقپارات اگەنتتىگىنىڭ حابارلاۋىنشا، بۇعان توكيو مەن سەۋل اراسىنداعى ەلەۋلى قايشىلىقتار سەبەپ بولعان.
ەكى ەل باسشىلارى قاتىساتىن جيىن ەكونوميكالىق ىنتىماقتاستىق پەن باسقا دا وڭىرلىك پروبلەمالاردى تالقىلاۋ ءۇشىن 2008 جىلدان باستاپ جىل سايىن وتكىزىلەدى. بيىلعى جىلى جينالىس سەۋلدە ءوتۋى كەرەك ەدى. الايدا پرەمەر سۋگا سەۋل ەكىنشى دۇنيەجۇزىلىك سوعىس كەزىندە جاپون كاسىپورىندارىنداعى كورەي جۇمىسشىلارىنىڭ ەڭبەگىن ماجبۇرلەپ پايدالانۋ ماسەلەسى بويىنشا ۇستانىمىن وزگەرتپەيىنشە، مۋن چجە ينمەن ەشقانداي كەلىسسوز جۇرگىزبەيتىنىن ايتتى.
2018 جىلى وڭتۇستىك كورەيا سوتى «Nippon Steel» ءىرى جاپون مەتاللۋرگيا كورپوراتسياسىنا قۇلدىققا پايدالانىلعان جۇمىسشىلاردىڭ ۇرپاقتارىنا وتەماقى تولەۋدى بۇيىرعان. اتالعان كومپانيا ۇكىمەتتىڭ كەڭەسى بويىنشا بۇل ۇسىنىستان تۇبەگەيلى باس تارتتى جانە كومپانيانىڭ وڭتۇستىك كورەياداعى مۇلكى تاركىلەندى. توكيو مۇنى 1965 جىلعى ەكىجاقتى كەلىسىمدەردىڭ ورەسكەل بۇزىلۋى دەپ سانايدى.
سەۋل توكيومەن ديپلوماتيالىق قارىم-قاتىناس ورناتقان كەزدە كورەياداعى جاپوندىق وتارشىلدىق ۇستەمدىككە قاتىستى بارلىق ماتەريالدىق شاعىمداردان باس تارتتى. ونىڭ ورنىنا جاپونيا ۇكىمەتى وڭتۇستىك كورەياعا جەڭىلدىك شارتتارىمەن ءىرى قارجىلىق كومەك كورسەتتى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟