جاپونيا ۇكىمەتى سەنكاكۋ (دياويۋداو) داۋلى ارالدارىنا قاتىستى ماسەلەگە بايلانىستى قىتايعا كەزەكتى مارتە نارازىلىق ءبىلدىردى. بۇل تۋرالى Japan Times سايتىنا مينيسترلەر كابينەتىنىڭ باس حاتشىسى كاتسۋنوبۋ كاتو حابارلادى.
جەكسەنبىدە جاپونيانىڭ پرەمەر-ءمينيسترى يوسيحيدە سۋگا كەڭسەسىنىڭ جانىنداعى سەنكاكۋداعى جاعداي تۋرالى جەدەل اقپارات جيناۋ جانە تالداۋ بويىنشا ارنايى داعدارىس شتابى قۇرىلدى. سوڭعى رەت قىتاي پاترۋلدىك كەمەلەرى بۇل ايماققا 28 تامىزدا كىرگەن.
شىعىس قىتاي تەڭىزىندەگى سەنكاكۋ ارحيپەلاگىنىڭ اينالاسىنداعى اۋماقتىق داۋ 2012 جىلى قىركۇيەكتە ۋشىعا تۇسكەن. سول جىلى توكيو بۇل ارالداردىڭ جەكە يەلەرىنەن ساتىپ الىنعانىن جاريالادى. وسىدان كەيىن قىتايدىڭ بىرقاتار ايماقتارىندا جاپونياعا قارسى دەمونستراتسيالار وتكەن.
نەگىزىنەن جاپونيا تاراپى ءدال وسى ماسەلە بويىنشا ماۋسىمدا قىتايعا نارازىلىق نوتاسىن جولداعان. جاپونيانىڭ شاعىمىنان كەيىن، اقش قىتايعا ەسكەرتۋ جاسادى. اقش مەملەكەتتىك دەپارتامەنتىنىڭ باسشىسى مايك پومپەو:«ءبىز قىتايدىڭ وڭتۇستىك قىتاي تەڭىزىن جەكە مەنشىك تەڭىز يمپەرياسى رەتىندە قاراستىرۋىنا جول بەرمەۋىمىز كەرەك. اقش ۇكىمەتى وسى ماسەلە بويىنشا مالىمدەمە جاسايدى»، – دەپ مالىمدەگەن.
1895 جىلى يمپەريالىق قىتايمەن سوعىستا جەڭىسكە جەتكەن سوڭ، سەنكاكۋ ارالدارى مەن تايۋان جاپونيا قۇرامىنا قوسىلدى. ەكىنشى دۇنيەجۇزىلىك سوعىستا جەڭىلگەننەن كەيىن توكيو تايۋانعا باسشىلىق ەتۋ قۇقىعىنان باس تارتتى. رەسمي بەيجىڭ سەنكاكۋ ارالدارىن دا يەلەنگىسى كەلەدى. الايدا، جاپونيا ۇكىمەتى بۇل ارالدار سوعىس ناتيجەسىندە اننەكسيالانبادى دەيدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟