ەو قىرىمدى رەسەي جەرى رەتىندە مويىندامايدى

ەۋروپالىق وداق قىرىمدى رەسەي جەرى دەپ مويىندامايدى. بۇل تۋرالى بريۋسسەلدە وتكەن ەو جانە ۋكراينا ءسامميتىنىڭ قورىتىندى مالىمدەمەسىندە ايتىلعان.

قۇجاتتا: «ءبىز قىرىمدى رەسەي جەرى دەپ مويىنداۋدان تۇبەگەيلى باس تارتامىز. وسى تۇرعىدا ءبىز ۋكراينانىڭ ەگەمەندىگى مەن اۋماقتىق تۇتاستىعىن حالىقارالىق دەڭگەيدە مويىندالعان شەكارالار شەگىندە قالپىنا كەلتىرۋ ماقساتىندا بىرلەسە ارەكەت ەتەمىز. قىرىم تۇبەگىندە جانە رەسەيدە زاڭسىز ۇستالعان جانە تۇرمەگە جابىلعان بارلىق ۋكراين ازاماتتارىن بوساتۋدى تالاپ ەتەمىز. سونىمەن قاتار ماسكەۋدى ازوۆ تەڭىزىنە قاتىستى ماسەلەدە حالىقارالىق قۇقىققا قايشى ارەكەت ەتپەۋگە شاقىرامىز»، – دەلىنگەن.

2014 جىلعى اقپاندا ۋكرايناداعى توڭكەرىستەن كەيىن قىرىم مەن سەۆاستوپول بيلىگى رەسەيمەن قايتا قوسىلۋ تۋرالى رەفەرەندۋم وتكىزدى. وعان داۋىس بەرۋ قۇقىعىنا يە بولعانداردىڭ 80%-دان استامى قاتىستى. 2014 جىلدىڭ 18 ناۋرىزىندا رەسەي پرەزيدەنتى ۆلاديمير پۋتين قىرىم رەسپۋبليكاسى مەن سەۆاستوپولدى رەسەي قۇرامىنا قابىلداۋ تۋرالى كەلىسىمگە قول قويىپ، 21 ناۋرىزدا قۇجاتتى فەدەرالدى جينالىس راتيفيكاتسيالادى. سول جىلى قىرىم اننەكسيالاندى.

ۋكرايناداعى «قولدان جاسالعان ساياساتتان» كەيىن ەۋروپالىق وداق پەن امەريكا قىرىمدى رەسەي جەرى دەپ مويىنداۋدان باس تارتىپ، ماسكەۋگە ەكونوميكالىق سانكتسيالار ەنگىزدى. ەو سانكتسيالىق ساياساتى ءۇش تاۋەلسىز جولدى قامتيدى: رەسەي ازاماتتارىنا قارسى ۆيزالىق شەكتەۋلەر; رەسەيدىڭ مۇناي، قورعانىس جانە قارجى سالالارىنىڭ بىرقاتار مەملەكەتتىك كومپانيالارىنا قارسى ەكونوميكالىق سالالىق سانكتسيالار، سونداي-اق قىرىمعا قارسى ۇيىمداستىرىلعان قاقتىعىستاردى شەكتەۋ شارالارى. العاشقى ەكى سانكتسيالىق بلوك التى ايدا ءبىر رەت، ال قىرىمعا قارسى تىيىم سالۋ شارالارى جىلىنا ءبىر رەت ۇزارتىلادى.

قىرىمعا قاتىستى سانكتسيالارعا ەو-عا كەز كەلگەن قىرىم تاۋارلارىن يمپورتتاۋعا تىيىم سالۋ، وسى اۋماقتاعى ەۋروپالىق ينۆەستيتسيالار مەن جىلجىمايتىن مۇلىك ساتىپ الۋ، بيزنەستى قارجىلاندىرۋعا تىيىم سالۋ كىرەدى. ەۋروپالىق كەمەلەرگە قىرىم پورتتارىنا كىرۋگە، ال ۇشاقتارعا توتەنشە جاعدايلاردى قوسپاعاندا، قىرىم اۋەجايلارىنا قونۋعا تىيىم سالىنعان.

قىرىمدا كولىك، تەلەكوممۋنيكاتسيا، ەنەرگەتيكا، مۇناي ءوندىرۋ جانە مۇناي وڭدەۋ، تابيعي رەسۋرستاردى ءوندىرۋ سالاسىنداعى تاۋارلار مەن تەحنولوگيالاردى ەكسپورتتاۋعا تىيىم سالىنادى، سونىمەن قاتار وسى سالالاردا جۇمىس ىستەيتىن كومپانيالارعا كەز كەلگەن تەحنيكالىق قىزمەت كورسەتۋ شەكتەلەدى.

"The Qazaq Times"