«قازاقستان قورعانىسى» – اسكەري بولىمنەن قارۋ ۇرلاعاندارعا سوت ۇكىمى شىقتى

جارتى جىل بۇرىن شىمكەنت قالاسىنداعى اسكەري بولىمنەن قارۋ-جاراق ۇرلاۋ فاكتىسى بويىنشا قوزعالعان ىسكە ۇكىم وقىلىپ، نۇكتە قويىلدى. 

بيىل اقپان ايىندا شىمكەنت قالاسىنىڭ 10/216 اسكەري بولىمىنەن قارۋ ۇرلادى دەگەن ايىپ تاعىلعان كىشى سەرجانت ابىلاي بالعىنباي سوت ۇكىمىمەن 10 جىلعا باس بوستاندىعىنان ايىرىلدى. سونداي-اق، ول اسكەري اتاعىنان ايىرىلىپ، ودان بولەك قىلمىسقا قاتىسى بار دەگەن ايىپپەن قامبار شاديار مەن مالىك باقداۋلەت 8 جىلعا، باۋىرجان داميروۆ، باعداۋلەت ارىن، ورىنبەك قاناعات ارقايسى 3 جىلعا اباقتىعا قامالدى. ايىپتى دەپ تانىلعان سەگىزىنشى ازامات سوت زالىنان بوساتىلدى.

ىسكە قاتىسى بار دەگەن تاعى ءبىر جازالانۋشى بەكجان سانجارعا 1 ملن 219 مىڭ تەڭگە ايىپپۇل سالىندى.

ىشكى ىستەر مينيسترلىگى اقپاندا شىمكەنت ماڭىنداعى اسكەري بولىمنەن 60 قارۋ (29 «كالاشنيكوۆ» اۆتوماتى، 28 «ماكاروۆ» تاپانشاسى، 2 مىلتىق) ۇرلانعانىن  حابارلاعان ەدى.

"The Qazaq Times"