Сот залынан көрнекі сурет. Фото: otyrar.kz

Жарты жыл бұрын Шымкент қаласындағы әскери бөлімнен қару-жарақ ұрлау фактісі бойынша қозғалған іске үкім оқылып, нүкте қойылды. 

Биыл ақпан айында Шымкент қаласының 10/216 әскери бөлімінен қару ұрлады деген айып тағылған кіші сержант Абылай Балғынбай сот үкімімен 10 жылға бас бостандығынан айырылды. Сондай-ақ, ол әскери атағынан айырылып, одан бөлек қылмысқа қатысы бар деген айыппен Қамбар Шадияр мен Мәлік Бақдәулет 8 жылға, Бауыржан Дамиров, Бағдәулет Арын, Орынбек Қанағат әрқайсы 3 жылға абақтыға қамалды. Айыпты деп танылған сегізінші азамат сот залынан босатылды.

Іске қатысы бар деген тағы бір жазаланушы Бекжан Санжарға 1 млн 219 мың теңге айыппұл салынды.

Ішкі істер министрлігі ақпанда Шымкент маңындағы әскери бөлімнен 60 қару (29 «Калашников» автоматы, 28 «Макаров» тапаншасы, 2 мылтық) ұрланғанын  хабарлаған еді.

"The Qazaq Times"