فوتو: vovworld.vn

جاپون اقپارات قۇرالدارىنىڭ جەكسەنبىدە تاراعان دەرەگىنە قاراعاندا، قىتاي سىرتقى ىستەر ءمينيسترى ۆان ي قازان ايىنىڭ باسىندا توكيوعا رەسمي ءىس-ساپارمەن بارىپ، جاپونيانىڭ سىرتقى ىستەر ءمينيسترى موتەگيمەن كەزدەسۋى مۇمكىن. سونىمەن قاتار، جاپونيانىڭ جاڭا پرەمەر-ءمينيسترى سۋگامەن كەلىسسوزدەر جۇرگىزىلىپ جاتىر. بۇل 16 قىركۇيەكتە سۋگا قىزمەتكە كىرىسكەن كەزىنەن باستاپ قىتاي باسشىلارىمەن جاساسقان العاشقى كەلىسسوزدەرىنىڭ ءبىرى.

وتكەن جۇمادا سۋگا مەن قىتاي توراعاسى شي جينپيڭ تەلەفون ارقىلى سويلەسىپ، ەكىجاقتى كەلىسسوزدەر جانە حالىقارالىق ماسەلەلەر بويىنشا كەلىسىمگە كەلدى.

Kyodo News-ءتىڭ حابارلاۋىنشا، سۋگا يوشيحيدە شي جينپيڭمەن تىلدەسۋ بارىسىندا «جاپونيا-قىتاي قاتىناستارىنىڭ تۇراقتىلىعى ايماق پەن حالىقارالىق قوعامداستىق ءۇشىن وتە ماڭىزدى» دەگەن. حابارلامادا قىتاي كەمەلەرىنىڭ سەنكاكۋ ماڭىندا جۇزۋىنە رۇقسات بەرۋ جاعىن قاراستىرىلاتىنى ايتىلعان.

قىتايلىق سينحۋا جاڭالىقتار اگەنتتىگى 25-كۇنى شي جينپيڭ جاپونيانىڭ جاڭا ۇكىمەتىمەن ساياسي ءوزارا سەنىمدى ارتتىرۋعا دايىن ەكەنىن، سونداي-اق قىتاي توراعاسى جاپونياعا كەلەسى جىلى وليمپيادا ويىندارىن وتكىزۋگە قولداۋ ءبىلدىردى. الايدا ەكى باسشىسى كەيىنگە قالدىرىلعان شي ءجينپيڭنىڭ جاپونياعا ساپارىن تالقىلاماعان.

ەكى ەل دە سەنكاكۋ ارالدارىنىڭ ەگەمەندىگىن تالاپ ەتەدى جانە بۇل ءۇشىن بۇرىننان بەرى ورتاق شەشىمگە كەلە الماعان. جاپونيا وسى جىلدىڭ ماۋسىم ايىندا سەنكاكۋ ارالدارىنىڭ اكىمشىلىك وكرۋگىن «توننودجو سەنكاكۋ» دەپ وزگەرتۋ تۋرالى قارار قابىلدادى. بەيجىڭ تاراپى اتالعان قۇجاتتى قىتايدىڭ ايماقتىق ەگەمەندىگىنە جاسالعان ۇلكەن ارانداتۋشىلىق، زاڭسىز جانە جارامسىز دەپ تانىپ، ارالدى وزىنە تيەسىلى دەپ مالىمدەگەن ەدى.

جاپونيا قحر باسشىلىعىنىڭ جۋىردا شىعىس قىتاي تەڭىزىندەگى داۋلى ارالدار ماڭىنداعى اسكەري قيمىلىن كۇشەيتكەنىنە الاڭدايدى جانە قىتايدان مۇنداي اسكەري ارانداتۋشىلىقتى توقتاتۋدى تالاپ ەتەدى.

جاپون ۇكىمەتى قىتاي كەمەلەرى كۇنشىعىس ەلىنىڭ باقىلاۋىنداعى ارالدار ماڭىنىڭ سۋ الابىنا بىرنەشە رەت كىردى دەپ ايىپتايدى. جاپونيانىڭ قورعانىس ءمينيسترى تارو كونو 4 تامىزدا قىتاي كەمەلەرى سەنكاكۋ ارالدارىنىڭ اينالاسىندا ءوز قىزمەتىن كۇشەيتە بەرسە، جاپوندىق قورعانىس كۇشتەرى شارا قولدانىتىنىن ەسكەرتكەن.

ال قىتاي تاراپى سەنكاكۋ (دياويۋيداۋ) ارالدارى ءوز تەرريتورياسى ەكەنىن العا تارتىپ ءارى ءوزىن بۇل جەردە قۇقىق قورعاۋ قىزمەتىمەن اينالىسۋعا قۇقىلى دەپ سانايدى.

"The Qazaq Times"