كورەيا بۇرىنعى پرەزيدەنتى: قۇربىم مەنى پايدالاندى جانە الدادى

شەتەل اقپارات كەڭىستىگىندە 6 ءساۋىر كۇنى وڭتۇستىك كورەيانىڭ مەملەكەتتىك تەلەارنالارى ارقىلى تاراعان حابارعا نازار سالساق، كورەيانىڭ وكىلەتتىلىگى توقتاتىلعان بۇرىنعى پرەزيدەنتى پاك كىن حە قاماۋدا ۇستاپ تۇرۋ ورتالىعىندا ەكى رەت پروكۋراتۋرا جاقتىڭ جاۋاپ الۋ تەرگەۋىندە بولعان. پاك كىن حە ءوزىنىڭ قۇربىسى تسۋي جاعىنان پايدالانىلعانىن، ونى الداۋىنا ءتۇسىپ قالعانىن اشىق ايتقان. اقىر سوڭىندا ءوزىنىڭ «جاقتاستارىنىڭ جەكە ىسىنە ارالاسۋى» سەبەبىنەن وسىنداي ۇلكەن وقيعا ورىن العاندىعىن ايتادى.

4 ءساۋىر كۇنى، پاك كىن حە پروكۋراتۋرا جاقتىڭ ءبىرىنشى رەتكى تەرگەۋىنە جاۋاپ بەرگەندە: « مەن تسۋي جاعىنان پايدالانىلدىم. ول مەنى الداپ كەتتى»، – دەگەن ءسوزى انىق ەستەلىككە الىنعان ەكەن. 6 ءساۋىر كۇنى ەكىنشى رەتكى تەرگەۋ ۇستىندە تسۋي ءشۇنشىنىڭ ناقتى «سىبايلاستىعى» تۋرالى بايان ەتكەن. الايدا ول تۋرالى بۇدان ارى ەشتەڭە دە بىلمەيتىنىن ايتتى.

قولدا ۇستاپ تۇرۋ ورىنىندا پاك كىن حەن ەكى رەت تەرگەۋدە دە، وزىنە تاعىلعان ايىپتى بۇتىندەي تەرىسكە شىعارعان. پروكۋراتۋرا جاق الداعى ۋاقىتتا قوسىمشا تەرگەۋ جۇمىستارىن الىپ بارۋدى جوسپارلاپ وتىر. بۇل تەرگەۋ كەلەسى اپتادا بولادى دەپ كۇتىلۋدە.

6 ءساۋىر تۇستەن بۇرىن، پاك كىن حەن ىسىنە قاتىستى قولعا الىنعان قۇربىسى تسۋي ءشۇنشى سەۋلدەگى قولعا ۇستاپ تۇرۋ ورتالىعىنان وزگە قاماۋ يزولياتورلارىنا اۋىستىرىلدى. بۇل دا بولسا ولار ءبىر قاماۋ ورتالىعىندا تىلدەسىپ قويۋىنان الاڭداۋدان تۋعان ارەكەت بولسا كەرەك.

“The Qazaq Times”