فوتو: lemonde.fr

بۇعان دەيىن 24 جىلعا تۇرمەگە جابىلعان وڭتۇستىك كورەيانىڭ بۇرىنعى پرەزيدەنتى پاك كىن حەنىڭ جازاسىنا تاعى 8 جىل قوسىلدى. بۇل تۋرالى «Yonhap» اگەنتتىگى حابارلايدى.

سەۋل ايماقتىق سوتى ونى ەكى ءتۇرلى قىلمىس بويىنشا، التى جانە ەكى جىلعا باس بوستاندىعىنان ايىرعان. سونىمەن قاتار، سوت وعان 2,91 دلن دوللار كولەمىندە ايىپپۇل سالعان. ايتا كەتۋ كەرەك، ۇستىمىزدەگى جىلدىڭ ءساۋىر ايىندا سەۋل ورتالىق سوتى ەكس-پرەزيدەنتتى 24 جىلعا سوتتاعان ەدى. وعان جەمقورلىق، قىزمەتىن اسىرا پايدالانۋ،  مەملەكەتتىك قۇپيانى جاريالاۋ جانە باسقا دا قىلمىستار بوينىشا ءىس قوزعالعان بولاتىن. نەگىزىندە، پاك كىن حەگە قاتىستى جەمقورلىققا بايلانىستى داۋ 2016 جىلى باستالعان. تەرگەۋ ناتيجەلەرى بويىنشا، پاك كىن حەنىڭ جاقىن قۇربىسى چحۆە سۋن سيل، ەكس-پرەزيدەنتپەن اراداعى دوستىعىن پايدالانا وتىرىپ، Samsung جانە Lotte سياقتى ءىرى كورپوراتسيالاردان اقشا بوپسالاعان.  2016 جىلدىڭ سوڭىندا كورەيا پارلامەنتى پاك كىن حەنى سوتقا تارتىپ، 2017 جىلدىڭ ساۋىرىندە وعان ايىپتاۋلار تاعىلعان. ال ونىڭ قۇربىسى چحۆە سۋن سيل 2018 جىلدىڭ اقپان ايىندا 20 جىلعا جەمقورلىق پەن مەملەكەتتىك ىستەرگە ارالاستى دەگەن ايىپتاۋلارمەن باس بوستاندىعىنان ايىرىلعان. ول سونىمەن قاتار 16.6 ملن. دوللار ايىپپۇل تولەۋگە مىندەتتەلگەن.

“The Qazaq Times”