وڭتۇستىك كورەيانىڭ اپەللياتسيالىق سوتى ەلدىڭ بۇرىنعى پرەزيدەنتى پاك كىن حەنى 25 جىلعا باس بوستاندىعىنان ايىردى، دەپ جازادى «lemonde.fr». وسىلايشا،  سوت وسى جىلدىڭ ءساۋىر ايىندا ەنگىزىلگەن ۇكىمدى وزگەرتكەن.

اپەللياتسيالىق سوت پاك كىن حەگە قارسى ءىستى الدىڭعى ۇكىمدى وتە ءالسىز دەپ ساناعان پروكۋرورلاردىڭ  تالابىنان كەيىن قايتا قولعا العان ەدى. وسىدان بۇرىن دا سايتىمىزدا جازعانىمىزداي، پاك كىن حە جەمقورلىق پەن قىزمەتىن اسىرا پايدالانۋشىلىققا قاتىستى ايىپتالعان. ەلدىڭ بۇرىنعى پرەزيدەنتىنە قاتىستى ساياسي داۋ 2016 جىلدىڭ قازان ايىندا باستالعان. زەرتتەۋ ناتيجەسىندە حەنىڭ جاقىن قۇربىسى چحۆە سۋن سيل ۇزاق جىلدار بويى مەملەكەتتىك ىستەرگە ارالاسىپ، جوعارى دەڭگەيدەگى ساياسي شەشىمدەردىڭ قابىلدانۋىنا كيلىككەن. ودان بولەك، ەكس-پرەزيدەنتتىڭ قۇربىسى وزىنە قاراستى قورلارعا ميلليونداعان دوللار اۋدارىلۋى ءۇشىن كوپتەگەن كومپانيالارعا قىسىم كورسەتكەن. ەسكە سالايىق، پاك كىن حە پرەزيدەنتتىك لاۋازىمنان 2017 جىلدىڭ ءساۋىر ايىندا شەتتەتىلگەن ەدى.

“The Qazaq Times”