قازاقستان قوعامىندا جەكە تۇلعالاردىڭ قىلمىسى ازايعانىمەن، بىراق شەنەۋنىكتەر ءجيى ۇرىناتىن ۇيىمداسقان ەكونوميكالىق قىلمىس كەيىنگى بەس جىلدا بولماعان كورسەتكىشكە جەتكەن.
21 قىركۇيەك، دۇيسەنبى كۇنى ورتالىق كوممۋنيكاتسيالار قىزمەتىندە وتكەن بريفينگتە قارجى مونيتورينگى كوميەتىنىڭ پروفيلاكتيكا جۇمىسى جانە باقىلاۋ باسقارماسىنىڭ اسا ماڭىزدى ىستەر بويىنشا تەرگەۋشىسى ەردەن جۇمانىڭ مالىمدەۋىنشە، بيىل قاڭتار-تامىز ارالىعىنداعى سەگىز ايدا 1,4 مىڭداي ەكونوميكالىق قىلمىستىق ءىس قوزعالعان. ونىڭ جارتىسى اۋىر جانە اسا اۋىر قىلمىستار. ناتيجەسىندە قايتارىلعان سوماسى 20 پايىزعا ارتىپ، ازىرگە 33 ملرد تەڭگە بولعان.
بەلگىلى ءبىر قىزمەت اتقارمايتىن جاۋاپكەرشىلىگى شەكتەۋلى سەرىكتەستىكتەردىڭ ەسەپشوتى ارقىلى ەكىنشى دەڭگەيلى بانكتتەردەن قاراجاتتى زاڭسىز شەشكەن 60-تان استام ۇيىمداسقان قىلمىستىق توپ انىقتالدى. ولار 1200-دەن استام باقىلاۋسىز كومپانيا قۇرعان. سول ارقىلى 2 ترلن تەڭگەدەن استام اقشانى قولدى ەتكەن.
جۋىردا قازاقستاننىڭ باس پروكۋرورىنىڭ ورىنباسارى مارات احمەتجانوۆ بيىلعى سەگىز ايدا وتكەن جىلدىڭ وسى مەرزىمىمەن سالىستىرعاندا جاسالعان قىلمىستىق زاڭ بۇزۋشىلىقتار سانى 35%-عا (بىلتىر – 174 مىڭ، بيىل – 113,6 مىڭ) ازايعانىن حابارلاعان.
«ەلىمىزدە تىركەلەتىن قىلمىستىق قۇقىقبۇزۋشىلىقتار سانى ازايدى. وسى جىلدىڭ 8 ايىندا قىلمىستىق قۇقىق بۇزۋ دەرەگى وتكەن جىلمەن سالىستىرعاندا 35 پايىزعا ازايدى. ۇرلىق دەرەگى 52 پايىزعا، قاراقشىلىق 50 پايىزعا، بۇزاقىلىق 46 پايىزعا قىسقاردى»، – دەگەن احمەتجانوۆ 8 قىركۇيەك كۇنى ورتكومدا وتكەن ءباسپاسوز ءماسليحاتىندا.
وسىلايشا ءىرى ويىنشىلار مەن زاڭدى تۇلعالاردىڭ ارالاسۋىمەن جۇزەگە اساتىن ەكونوميكالىق قىلمىس ءورشىپ تۇر.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟