شۆەيتساريانىڭ فەدەرالدىق بيلىگى «قورعاس ءىسى» بويىنشا ۇيىمداسقان قىلمىستىق توپتىڭ مۇشەلەرى جىمقىرعان 390 ملن تەڭگەدەن استام قاراجاتتى قازاقستانعا قايتارعانى ءمالىم بولدى.
بۇل قاراجات 2012 جىلدان باستاپ وسى ىسكە قاتىسى بار دەگەن كۇدىكپەن حالىقارالىق ىزدەستىرۋدە بولعان ماعزۇم ابدىراليەۆكە تيەسىلى. 2019 جىلى وسى ءىس بويىنشا مەملەكەت كىرىسىنە شۆەيتساريادان 140 ملن تەڭگە قايتارىلعان بولاتىن. وسىلايشا شەتەلدەن اكتيۆتەردى قايتارۋ بويىنشا جۇمىس شەڭبەرىندە تۇسكەن قاراجاتتىڭ جالپى سوماسى – 1,3 ملن اقش دوللار.
2011 جىلى قازاقستاننىڭ سول كەزدەگى ەكونوميكالىق جانە جەمقورلىق قىلمىسپەن كۇرەس اگەنتتىگى الماتى وبلىسىنداعى «قورعاس» جانە «قالجات» كەدەن بەكەتى مەن «الاتاۋ» تەحنيكالىق قىزمەت كورسەتۋ ورتالىعىن تەكسەرىپ، 100-گە جۋىق ادامنان تۇراتىن قىلمىستىق توپ اشكەرەلەنگەنىن جاريالاعان. «قورعاس ءىسى» دەرەكتەرىنە قاراعاندا، سوتتالعاندار قىتاي شەكاراسىنان كونتراباندالىق تاۋار وتكىزۋمەن بىرنەشە جىل اينالىسىپ كەلگەن. تاۋارلاردى قازاقستان جانە قىرعىزستان بازارلارىنا جىبەرگەن.
«قورعاس» – قازاقستان مەن قىتاي شەكاراسىنداعى نەگىزگى كەدەن بەكەتتەرىنىڭ ءبىرى. قازاقستان، قىرعىزستان جانە رەسەيگە قىتايدان جەتكىزىلەتىن جۇكتىڭ ۇلكەن بولىگى وسى بەكەت ارقىلى وتەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟