فوتو: اشىق دەرەككوزدەردەن الىندى

«قورعاس» شەكارا ماڭى حالىقارالىق ورتالىعىندا قازاقستاندىق شەكاراشى بەلگىسىز بىرەۋلەر تاراپىنان سوققىعا جىعىلعان. الەۋمەتتىك جەلىدە تارالعان بەينەجازباداعى وسى وقيعانى الماتى وبلىسىنىڭ ءىىد-ءنىڭ ءباسپاسوز-قىزمەتى دە راستاپ وتىر. 

وقيعا ورنىنان تۇسىرىلگەن بەينەجازبا ينستارام الەۋمەتتىك جەلىسىندەگى taldykorganec_insta پاراقشاسىندا پايدا بولعان. قورعاستاعى تارتىستى جاعدايدى الماتى وبلىسىنىڭ ءىىد-ءنىڭ ءباسپاسوز قىزمەتى دە راستادى. الدىن الا مالىمەت بويىنشا، 25 جاستاعى اسكەري قىزمەتكەر قىزمەتتىك مىندەتىندە بولعان كەزىندە بەلگىسىز ازامات كەدەن بەكەتىنەن ءتيىستى قۇجاتىنسىز ءوتىپ كەتۋگە تىرىسقاننان كەيىن كيكىلجىڭ باستالعان. ونىڭ سوڭى توبەلەسكە ۇلاسىپ، اقىرى بەلگىسىز ازامات اسكەري قىزمەتكەردى سوققى جىققان. "قازىرگى تاڭدا كۇدىكتىنىڭ كىم ەكەنىنە قاتىستى جان-جاقتى زەرتتەۋلەر اياقتالىپ، ونىڭ 27 جاستاعى ازامات ەكەنى انىقتالدى. ول زاڭبۇزۋشىلىق ءىسى بويىنشا تەرگەۋگە الىندى", - دەپ حابارلايدى ءىىد-ءنىڭ ءباسپاسوز قىزمەتى. «اتالعان ءىس بويىنشا «بيلىك وكىلىنە كۇش قولدانۋ» 380-بابى بويىنشا، سوتقا دەيىنگى تەرگەۋ ءىسى باستالدى»، - دەپ حابارلادى الماتى وبلىسىنىڭ ءىىد-ءنىڭ ءباسپاسوز-قىزمەتىنىڭ رەسمي وكىلى كوبەيحان نۇراحمەت. وسى وقيعانى زەرتتەۋمەن پانفيلوۆ اۋدانىنىڭ ىشكى ىستەر ءبولىمىنىڭ جەرگىلىكتى پوليتسياسى اينالىسۋدا.

“The Qazaq Times”