فوتو: tehrantimes.com

سەيسەنبىدە نيۋ-يوركتەگى بىرىككەن ۇلتتار ۇيىمىنىڭ شتاب-پاتەرىندە ۇيىمنىڭ 75-ءشى باس اسسامبلەياسى اشىلدى. كوروناۆيرۋس پاندەمياسىنا بايلانىستى بۇل ءىسشارا ونلاين تۇردە وتەدى. بارلىق قاتىسۋشى ەلدەردىڭ باسشىلارى ۆيدەو-كونفەرەنتسيا ارقىلى قاتىسادى، الايدا اقش پرەزيدەنتى ترامپ بۇۇ شتاب-پاتەرىنە بارىپ قاتىسۋى مۇمكىن.

بۇۇ-نىڭ بۇل باس اسسامبلەياسىنىڭ جالپى جينالىسى 22-25 قىركۇيەك ارالىعىندا وتەدى. ترامپ قازىردىڭ وزىندە نيۋ-يوركتەگى بىرىككەن ۇلتتار ۇيىمىنىڭ شتاب-پاتەرىنە بارا الاتىنىن مالىمدەدى: «مەن سويلەۋ ءۇشىن بۇۇ-عا تىكەلەي بارۋدى جوسپارلاپ جاتىرمىن»، دەگەن.

وتكەن اپتادا بىرىككەن ۇلتتار ۇيىمىنىڭ باس اسسامبلەياسى قاتىسۋشىلاردىڭ نيۋ-يورككە جەكە-جەكە كەلۋدىڭ ورنىنا ونلايىن قاتىسقانى دۇرىس دەپ شەشتى.

اقش-تىڭ بۇۇ-داعى ەلشىسى كەللي كرافت بۇۇ باس اسسامبلەياسىنىڭ وسى سەسسياسى كەزىندە امەريكا قۇراما شتاتتارىنىڭ باسىمدىقتارى «ادام قۇقىعى مەن اشىقتىق» دەپ مالىمدەدى.

جيىندا ەڭ كوپ مەملەكەت جانە ۇكىمەت باسشىلارى قاتىسىپ رەكورد ورناتۋى مۇمكىن دەپ كۇتىلۋدە. بۇل كەزدەسۋگە 190-نان استام ەلدىڭ 170-تەن استام مەمىلەكەت نەمەسە ۇكىمەت باسشىلارى ءسوز سويلەيدى.

بيىل ەكىنشى دۇنيەجۇزىلىك سوعىستان كەيىن بۇۇ-نىڭ قۇرىلعانىنا 75 جىل. جالپى پىكىرسايىستان ءبىر كۇن بۇرىن، ياعني 21 قىركۇيەكتە وسى حالىقارالىق ۇيىمنىڭ تۋعان كۇنىنە وراي جوعارى دەڭگەيدەگى كەزدەسۋ وتكىزۋ جوسپارلانىپ وتىر.

"The Qazaq Times"