Facebook كومپانياسى اقش-تاعى پرەزيدەنتتىك سايلاۋعا ءبىر اپتا قالعاندا ساياسي جارنامالاردى جاريالاۋدى توقتاتاتىن بولدى.

بىرلەستىكتىڭ باسشىسى مارك تسۋكەربەرگتىڭ ايتۋىنشا، مۇنداي شەشىمگە قازىر اقش قوعامىنىڭ ەكىگە جارىلىپ، سايلاۋ ناتيجەسىنىڭ جاريالاۋ سوڭى تارتىپسىزدىكتەرگە ۇلاسۋ قاۋىپى تۇرتكى ەتكەن. وسىعان بايلانىستى كومپانيا جالعان اقپارات پەن داۋىس بەرۋ قورىتىندىسىنا بايلانىستى مالىمدەمەلەردى ارنايى بەلگىلەرمەن بەلگىلەيدى. سونىمەن قاتار ىندەتتى جۇقتىرۋدى العا تارتىپ سايلاۋعا قاتىسپاۋعا شاقىراتىن جازبالاردى وشىرىلەدى.

قازىرگى ۋاقىتتا امەريكاداعى پرەزيدەنت سايلاۋىنىڭ داتاسىن كەيىنگە شەگەرۋ تاقىرىبى قىزۋ تالقىعا تۇسكەن. پاندەميا كەزىندە 3 قاراشاعا بەلگىلەنگەن سايلاۋ «ادىلەتسىز ءوتۋى مۇمكىن» دەپ بولجاعان ترامپ سايلاۋ مەرزىمىن وزگەرتۋ ستسەناريىن ۇسىنعان. پرەزيدەنتتىڭ بۇل ۇسىنىسى دەموكراتتار مەن ساراپشىلاردىڭ قاتاڭ سىنىنا ىلىكتى.

اقش كونستيتۋتسياسىنا ەنگىزىلگەن 20-شى تۇزەتۋ پرەزيدەنتتىڭ جانە ۆيتسە-پرەزيدەنتتىڭ «20 قاڭتاردا تۇسكە دەيىن» (قىزمەتكە كىرگەننەن كەيىن ءتورت جىل) مەرزىمىنىڭ اياقتالۋىن قاراستىرادى. ياعني ەگەر سايلاۋ توقتاتىلسا دا، ترامپ پەن ونىڭ ۆيتسە-پرەزيدەنتى مايك پەنس ءوز وكىلەتتىكتەرىن جوعالتادى. دەمەك زاڭدا قاراستىرىلعان نورمالاردى وزگەرتۋ اقش پرەزيدەنتىنىڭ قۇزىرەتىندە ەمەس.

"The Qazaq Times"