كوۆيدتىك پنەۆمونيا: ەكى كۇننىڭ ەسەبىندە 40 ەسە ايىرماشىلىق بايقالادى

وتكەن كۇنى قازاقستاندا 173 ادامنان كوروناۆيرۋس تابىلىپ، زەرتحانادا تالداۋىمەن راستالعان. كلينيكاسى كوروناۆيرۋسقا ۇقساس پنەۆمونيانىڭ ستاتيستيكاسىن جاريالاۋداعى كەمشىلىكتەر بايقالادى. 

ونىڭ 98-ىنەن اۋرۋ بەلگىلەرى بايقالسا، 75-ءى جەڭىل فورماداعى ناۋقاستار.

دەنمين ۇسىنعان دەرەك بويىنشا، كوروناۆيرۋس جۇقتىرعاندار سانى 105 075-كە جەتكەن. ولار:

• الماتى قالاسىندا - 14129(+21)
• استانادا – 13763(+16),
• اتىراۋ وبلىسىندا –10862(+17),
• قاراعاندى وبلىسىندا – 9997(+19),
• شىعىس قازاقستان وبلىسىندا – 8064(+27),
• باتىس قازاقستان وبلىسىندا – 6712(+11),
• شىمكەنت قالاسىندا –5169(+2),
• الماتى وبلىسىندا – 4883(+4),
• جامبىل وبلىسىندا – 4066(+3),
• سولتۇستىك قازاقستان وبلىسىندا – 3883(+11),
• پاۆلودار وبلىسىندا – 3797(+6),
• قوستاناي وبلىسىندا – 3365(+9),
• ماڭعىستاۋ وبلىسىندا – 3327(+5),
• اقمولا وبلىسىندا – 3350(+7),
• قىزىلوردا وبلىسىندا –3229(+1)
• تۇركىستان وبلىسىندا – 3272(+10),
• اقتوبە وبلىسىندا –3207(+4).

بۇدان وزگە سەيسەنبى (25 تامىز) كۇنى جالپى ستاتيستيكاعا كىرەتىن كوروناۆيرۋستىڭ پنەۆمونيالىق تۇرىنە 781 ادامنىڭ شالدىققانى انىقتالىپ، 7 ءولىم جاعدايى تىركەلىپتى. وكىنىشكە قاراي، الەكسەي تسويدىڭ ءسوز بەرگەنىنە قاراماستان دەنمين پنەۆمونيانىڭ ايماقتىق كورسەتكىشىن جاريالاۋدى جولعا قويا الماي كەلەدى. سونىمەن قوسا، وسى اپتانىڭ دۇيسەنبى جانە سەيسەنبى كۇندەرى تىركەلگەن كەيستەر سانىندا ونداعان (43) ەسە ايىرماشىلىق بار. مۇنداي اسا ۇلكەن ايىرماشىلىق ءبىرىنشى رەت ەمەس، بۇعان دەيىن بىرنەشە رەت بولعان. ادەتتە سەنبى-جەكسەنبى كۇندەرى كورسەتكىش ءارتۇرلى فاكتورلاردىڭ اسەرىنەن ازايىپ، اپتا باسىندا كوبەيۋشى ەدى. بۇل جولى كەرىسىنشە، ەكىنشى كۇنى جاريالانعان دۇيسەنبىدەگى دەرەك پەن بۇگىن حابارلانعان سەيسەنبىدەگى ساناقتىڭ ايىرماسى ايتارلىقتاي ۇلكەن. قازاقستان كوكتەمدە ەنگىزىلگەن تج رەجيمىنىڭ ورتاسىنان باستاپ ءار كۇنى ەرتەڭگىلىك وتكەن تاۋلىكتىڭ كورسەتكىشىن جاريالاۋعا كوشكەن. ءدال كەشەگى كۇنى كوروناۆيرۋستان 585, ال كوۆيدتىك پنەۆمونيادان 351 ادام ەمدەلىپ شىققان ەكەن.

سول جاقتا - 24, وڭ جاقتا - 25 تامىز كۇندەرى انىقتالعان كەيستەردىڭ كورسەتكىشى. "كۆي-" نەمەسە U07.2 كودىمەن بەلگىلەنەتىن كوروناۆيرۋستىق پنەۆمونياعا شالدىققانداردىڭ ەكى كۇندەگى دەرەگىنىڭ ايىرماسى 43 ەسە. رەسمي حابارلامادا مۇنىڭ سەبەبى كورسەتىلمەگەن. ينفوگرافيكا: دەنمين

"The Qazaq Times"