فوتو: 24tv.ua

سەنبىدە وڭتۇستىك كورەيا مەن قىتايدىڭ ديپلوماتتارى كەلىسسوز وتكىزدى. وڭتۇستىك كورەيانىڭ وكىلى مينشۋونىڭ جازباشا مالىمدەمەسىندە ايتىلۋىنشا، تاراپتار ءتورت ساعاتتان اسا كەزدەسۋ وتكىزگەن. كەلىسسوزدە ىندەتكە قارسى كۇرەستەگى ىنتىماقتاستىق، ەركىن ساۋدا كەلىسىمدەرى تالقىلانعان. وعان قوسا مادەني الماسۋلار جانە دسۇ جەتەكشىسىن سايلاۋعا قاتىستى پىكىر الماسقان. 

كوروناۆيرۋس پاندەمياسى باستالعالى بەرى وڭتۇستىك كورەيا مەن قىتاي اراسىنداعى كەزدەسۋلەر ۇزىلگەن بولاتىن. ياڭ تسزەچي وتكەن جىلدىڭ سوڭىندا قىتايدا COVID-19 باستالعاننان كەيىن وڭتۇستىك كورەياعا ساپارمەن كەلگەن العاشقى قىتايلىق لاۋازىمدى تۇلعا بولدى.

يان تسزەچيدىڭ وڭتۇستىك كورەياعا ساپارىنىڭ باستى سەبەبى قىتاي توراعاسى شي ءجينپيڭنىڭ (سي تسزينپين) وڭتۇستىك كورەياعا ساپارى. شي جينپيڭ وسى جىلدىڭ ءبىرىنشى جارتىسىندا وڭتۇستىك كورەياعا ساپارلاۋدى جوسپارلاعان، الايدا، بۇل ساپار كوروناۆيرۋس ىندەتىنە بايلانىستى كەيىنگە قالدىرىلدى. ساراپشىلار ءشيدىڭ بۇل ساپارىن وسى جىلدىڭ ەكىنشى جارتىسىنا الماستىرعان بولۋى مۇمكىن دەپ سانايدى.

وڭتۇستىك كورەيالىق Yonhap اگەنتتىگىنىڭ حابارلاۋىنشا، وڭتۇستىك كورەيا كوك ءۇيىنىڭ وكىلى مينشۋو ەكى تاراپ قىتاي توراعاسى شي ءجينپيڭنىڭ الەمدىك ىندەت تۇراقتانعاننان كەيىن وڭتۇستىك كورەياعا ساپارىن جالعاستىرۋعا كەلىسكەن دەپ مالىمدەدى. دەگەنمەن، وڭتۇستىك كورەيا-قىتاي كەلىسسوزدەرى كەزىندە ءشيدىڭ وڭتۇستىك كورەياعا ساپارىنىڭ كۇنى تۇراقتالماعان.

ساراپشىلاردىڭ پىكىرىنشە، وڭتۇستىك كورەيا تارابى قىتايدان، وڭتۇستىك كورەيا مەن قىتاي اراسىنداعى كەلىسسوزدەر كورەي تۇبەگىندەگى قوس كورەي مەمىلەكەتىنىڭ بەيبىتشىلىگىن قالپىنا كەلتىرۋدە قىتاي ماڭىزدى ءرول اتقارادى دەپ ۇمىتتەنەدى. COVID-19 پاندەمياسىنان باستالعالى، كورەي تۇبەگىن يادرولىق قارۋسىزداندىرۋ تۋرالى كەلىسسوزدەر توقتاپ قالدى. قىتاي سولتۇستىك كورەيانىڭ وداقتاسى بولۋ سەبەپتى سولتۇستىك كورەيانىڭ يادرولىق باعدارلاماسىنان باس تارتۋ تۋرالى كەلىسسوزدەر جۇرگىزۋدە باستى رولدە.

بەيجىڭ وڭتۇستىك كورەيانىڭ اقش-قىتاي قاتىناسىندا بەيتاراپتىق ساقتانىپ وتىرۋىنا نازار اۋدارادى جانە پاندەميا تۇراقتالسا قىتاي سولتۇستىك كورەيامەن كەلىسسوزدەردى جالعاستىرادى دەپ سەنەدى.  قاقتىعىسى ءۇشىن ەڭ ۇلكەن كۇرەس الاڭىنا اينالدى. وتكەن ايدا امەريكا قۇراما شتاتتارى ەگەمەندىك تۋرالى داۋ-دامايعا تولى بۇل ۇلكەن سۋلارداعى بەيتاراپ پوزيتسياسىن وزگەرتتى جانە پەكيننىڭ وڭتۇستىك قىتاي تەڭىزىندەگى ەگەمەندىك تالاپتارىنىڭ زاڭدىلىعىن تىكەلەي جوققا شىعاردى.

"The Qazaq Times"