گەرمانيا ءسىم بەلارۋس ەلشىسىن قابىلداپ، ەلدەگى احۋالعا قاتىستى پىكىر ءبىلدىردى. بۇل تۋرالى بەيسەنبىدە DPA اگەنتتىگى حابارلادى.

ەلشىگە فرگ ۇكىمەتىنىڭ بەلارۋستەگى قازىرگى جاعدايعا قاتىستى ۇستانىمى ءتۇسىندىرىلدى. نەمىس سىرتقى ىستەر ءمينيسترى حەيكو مااس بەلارۋس بيلىگىنە ەۋرووداق تاراپىنان قىسىم جاساۋدى كۇشەيتۋ قاجەتتىلىگى تۋرالى ايتتى.

گەرمانيا ۇكىمەتى بەلارۋستەگى پرەزيدەنت سايلاۋىنىڭ دەموكراتيالىق جولمەن وتكەنىنە كۇمان كەلتىرىپ، لۋكاشەنكونىڭ كەزەكتى جەڭىسىن مويىندامايتىنىن ايتتى. رەسمي بەرلين داۋىس بەرۋ «دەموكراتيالىق سايلاۋدىڭ مينيمالدى ستاندارتتارىنا سايكەس كەلمەدى» – دەيدى.

9 تامىزدا بەلارۋستە پرەزيدەنتتىك سايلاۋ ءوتتى. رەسمي مالىمەتكە سايكەس، پرەزيدەنت سايلاۋىنىڭ الدىن الا قورىتىندىسى بويىنشا، قازىرگى باسشى الەكساندر لۋكاشەنكوعا سايلاۋشىلاردىڭ 80%-ى داۋىس بەرگەن، ونىڭ باستى قارسىلاسى سۆەتلانا تيحانوۆسكايا 10% داۋىس العان. نارازىلار سايلاۋ ناتيجەسى بۇرمالاندى دەپ ەسەپتەيدى.

بەلارۋستە سايلاۋعا دەيىن مەرزىمىنەن بۇرىن داۋىس بەرۋ ءوتتى. مۇنداي نورما ەل زاڭىمەن قاراستىرىلعان، بىراق قۇقىق قورعاۋشىلار مەن حالىقارالىق باقىلاۋشىلار بۇل ءادىستى قاتاڭ سىنعا الدى. ولاردىڭ پىكىرىنشە، ۇكىمەت داۋىس بەرۋ ناتيجەلەرىن قولدان جاساۋ ءتاسىلىن پايدالانعان.

"The Qazaq Times"