رەسەي پرەزيدەنتى ۆلاديمير پۋتين رەسەيلىك عالىمدار كوروناۆيرۋسقا ارنالعان الەمدەگى العاشقى قاۋىپسىز ءارى ءتيىمدى ۆاكتسينانى شىعاردى دەپ مالىمدەدى، اقش دەنساۋلىق ساقتاۋ سالاسىنداعى ەكى لاۋازىمدى تۇلعا بۇعان كۇمانمەن قارادى.

جۇقپالى اۋرۋلار جونىندەگى مامان دوكتور ەنتوني فۋكس: «مەن ولاردىڭ بۇل ارەكەتىنەن كۇماندانامىن» دەدى. بىراق ول ماسكەۋدىڭ ۆاكتسينانىڭ قاۋىپسىز جانە ءتيىمدى ەكەنىن ناقتى دالەلدەسە دەپ ۇمىتتەنەدى.

فۋكس امەريكالىق بىرنەشە زەرتحانالاردا ۆاكتسينالار ازىرلەنىپ جاتقانىن، ەگەر ولار قالاسا كەز-كەلگەن ۋاقىتتا ۆاكتسينالاۋدى باستاي الاتىنىن ايتتى. National Geographic ارناسىنىڭ ەفيرىنە بەرگەن تۇسىندىرمەسىندە فۋكس بىلاي دەدى: «ەگەر ءبىز كوپتەگەن ادامدارعا زيان تيگىزۋى مۇمكىن ءتيىمسىز نارسە بەرگىمىز كەلسە، ءبىز مۇنى جاساپ باستايمىز، كەلەسى اپتادا اق قولدانىسقا بەرەمىز. الايدا ءبىز بۇعان بارمايمىز».

اقش-تا 2021 جىلعا دەيىن ميلليونداعان دوزا كوروناۆيرۋستىق ۆاكتسينالار بولادى دەپ ۇمىتتەنگەنىن ايتتى، بىراق كەيبىر ۆاكتسينالاردىڭ ۇزاق مەرزىمدى تيىمدىلىگىنە كەپىلدىك بەرىلمەيتىنىن ەسكەرۋ كەرەك دەدى ەنتوني فۋكس

سونىمەن بىرگە، اقش دەنساۋلىق ساقتاۋ جانە حالىققا قىزمەت كورسەتۋ ءمينيسترى الەكس ازار تايۆانعا ساپارى كەزىندە كوروناۆيرۋستىق ۆاكتسينانى جاساۋ «ءبىرىنشى ورىن ءۇشىن جارىس ەمەس» دەپ مالىمدەدى.

ول ترامپ اكىمشىلىگى امەريكالىقتار مەن الەم حالقىنىڭ دەنساۋلىعى ءۇشىن قاۋىپسىز ۆاكتسينالاردى مۇمكىندىگىنشە تەزىرەك جاساۋ ءۇشىن اقش-تىڭ فارماتسەۆتيكا يندۋسترياسىمەن ىنتماقتاساتىنىن ايتتى.

كەز-كەلگەن ۆاكتسينانى دارىگەرلەر مەن باسقا دا مەديتسينا ماماندارىنا تاراتپاس بۇرىن اقش تاماق جانە ءدارى-دارمەك باسقارماسىنىڭ ماقۇلداۋىنان ءوتۋى كەرەك.

سونمەن قاتار بۇل ۆاكتسينانى قولداۋشىلاردا شىقتى امەريكالىق Pan دەنساۋلىق ساقتاۋ ۇيىمى (PAHO) بۇل ۆاكتسينانى دۇنيەجۇزىلىك دەنساۋلىق ساقتاۋ ۇيىمى ماقۇلداۋى كەرەك دەپ مالىمدەدى.

Pan امەريكاندىق دەنساۋلىق ساقتاۋ ۇيىمى ديرەكتورىنىڭ كومەكشىسى دجارباس باربوسسا «رەسەي تارابى مالىمەتتەردى شىعارعاننان كەيىن ءبىز بارلىق دەرەكتەردى تەكسەرە الامىز. باعالاۋدان كەيىن عانا ۆاكتسينانىڭ بارلىق قاجەتتى جاعدايلارعا سايكەس كەلەتىندىگىن انىقتاي الامىز» دەدى.

رەسەي پرەزيدەنتى ۆلاديمير پۋتين ۆاكتسينا سىناقتان وتكەنىن جانە كوروناۆيرۋسقا تۇراقتى يممۋنيتەتتى كورسەتكەنىن سەيسەنبىدە مالىمدەگەن بولاتىن. الايدا رەسەي مەديتسيناسى ءپۋتيننىڭ مالىمدەمەسىن راستايتىن ەشقانداي دالەل كەلتىرمەدى.

"The Qazaq Times"