ليۆان استاناسىنداعى جويقىن جارىلىستىڭ سالدارىمەن كۇرەسكە الەم ەلدەرى ءوز ماماندارىن اتتاندىرىپ جاتىر.
فرانتسيا ليۆانعا ءۇش اسكەري ۇشاق جىبەردى. ازاماتتىق قورعانىس سالاسىنىڭ 55 مامانى 15 توننا ءدارى-دارمەك، سانيتارلىق ماتەريالدار، سونداي-اق 500 ناۋقاستى قابىلداۋعا ارنالعان ءموبيلدى پوست جەتكىزەدى. جاقىن كۇندەرى ليۆانعا جەدەل جاردەم دارىگەرلەرى اتتانادى.
فرانتسيا جارىلىس فاكتىسى بويىنشا ءوز تەرگەۋىن باستادى، ويتكەنى بەيرۋتتاعى قايعىلى وقيعادان بەسىنشى رەسپۋبليكانىڭ 21 ازاماتى جارالاندى.
ال العاشقىلاردىڭ ءبىرى بولىپ گەرمانيا 47 ادامنان تۇراتىن ءبىر توپ قۇتقارۋشىسىن جىبەردى. ارنايى قۇرالدارمەن جابدىقتالعان ماماندار قالالىق جەردە ىزدەستىرۋ-قۇتقارۋ جۇمىستارىن جۇرگىزۋگە دايىندالعان. بۇدان بولەك، رەسمي بەرلين ەۋرووداق شەڭبەرىندە دە كومەك كورسەتىلەتىنىن جەتكىزدى.
ۇيىم ميسسياسى اياسىندا ليۆان استاناسىنا چەحيا ەلى دە 37 مامانىن اتتاندىرىپ ۇلگەردى. جالپى ەۋرووداقتىڭ قۇتقارۋ شاراسى بويىنشا بەيرۋتكە 100-دەن استام مامان بارۋى ءتيىس.
سونىمەن قاتار امەريكا، تۇركيا، اراب ەلدەرى ليۆانعا كومەك جىبەرگەن.
4 تامىزدا بەيرۋتتەگى تەڭىز پورتىنىڭ بازاسىندا بىرنەشە قاتتى جارىلىس بولىپ، 100-دەن استام ادام قازا تاۋىپ، 4 مىڭنان استام ادام زارداپ شەككەن. جارىلىستىڭ جويقان بولعانى سونشالىق، جاقىن ماڭدا ورنالاسقان ۇيلەردە، سونداي-اق جارىلىس ەپيتسەنترىنەن بىرنەشە شاقىرىم جەردە ورنالاسقان عيماراتتاردا تەرەزەلەرى سىنعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟