ليۆاننىڭ استاناسى بەيرۋتتىڭ پورت ايماعىندا 4 تامىز كەشتە جويقىن جارىلىس بولىپ، كەمىندە 60 ادام قازا تاۋىپ، 2500 ادام جارالاندى. ليۆان ۇكىمەتى مۇنى «اۋىر اپات» دەپ اتادى.

پورتتىڭ كوپ بولىگى جارىلىستا جويىلدى، ال بەيرۋت قالاسىنىڭ عيماراتتارى مەن كولىكتەر قاتتى زاقىمدالعان. جارىلىستان كەيىن جەدەل جاردەم كولىگى جارالىلاردى پورت ايماعىنان شىعارىپ ۇلگەردى.

ليۆان تەلەارناسى مالىمەتىندە، جوعارى لاۋازىمدى تۇلعالار پورتتا ساقتالعان جارىلعىش ناتري نيتراتى جارىلىسقا سەبەپ بولۋى مۇمكىن دەگەن بولجامى ايتىلادى. ادامدار جارىلىس بولعان جەردە سارعىش ءتۇتىن كورگەندەرىن حابارلادى. ساراپشىلاردىڭ ايتۋىنشا، سارعىش ءتۇتىن ادەتتە نيتراتقا بايلانىستى جارىلىستارمەن بىرگە جۇرەدى.

يزرايل بىردەن «جارىلىسقا يزرايلدىڭ ەش قاتىسى جوق» دەپ مالىمدەدى. يزرايل ليۆاندا ورنالاسقان «حەزبوللا» تەرروريستىك ۇيىمىنىڭ ليۆاننىڭ وڭتۇستىگىندە-يزرايلعا شەكارالاس ايماقتا جينالۋىنا بايلانىستى قارىم-قاتىناسى شيەلەنىسە تۇسكەن بولاتىن.

ليۆان پرەمەر-ءمينيسترى حاسان دياب سارسەنبىنى (5 تامىز) ازا تۇتۋ كۇنى دەپ جاريالادى.

كۋاگەرلەر سەيسەنبى كۇنگى جارىلىس باستاپقىدا شاعىن جارىلىستاردان باستالىپ، سودان كەيىن پورتتىڭ ۇستىنە ساڭىراۋقۇلاق ءتارىزدى ءتۇتىن شىعىپ، قاتتى جارىلدى دەپ مالىمدەدى.

قالا تۇرعىنى: «بۇل وتە قورقىنىشتى كورىنىس. ازامات سوعىسىنان بەرى مەن مۇنداي جارىلىستى كورگەن ەمەسپىن»شاعىن، – دەيدى. بەيرۋتتىڭ ورتالىعىندا بارلىق عيماراتتاردىڭ تەرەزەلەرى سىنعان، بالكوندار قۇلاپ، كولىكتەر ورتەنگەن. بۇل جارىلىستان كەيىن ليۆان حالقىنىڭ اراسىندا ءتۇرلى تولقۋعا باستايتىن مالىمەتتەردە تاراعان.

"The Qazaq Times"