Aircraft landing on runway

حالىقارالىق اۆياتسيا قاۋىمداستىعى (IATA) سەيسەنبىدە جاھاندىق اۋە تاسىمالى 2024 جىلعا دەيىن قالپىنا كەلمەيدى دەپ حابارلادى.

ماۋسىمدا جولاۋشىلار تاسىمالى وتكەن جىلدىڭ سايكەس كەزەڭىمەن سالىستىرعاندا 86%-دان استام تومەندەدى. سونىمەن قاتار وتكەن جىلمەن سالىستىرعاندا، 2020 جىلى رەيستەرگە وتىراتىن جولاۋشىلار سانى 55% تومەندەيدى دەگەن بولجام بار.

USA Today-دىڭ توقساندىق قارجىلىق ەسەپتەۋىنە سايكەس، اقش جانە قىتاي ەلدەرى حالىقارالىق اۆياتسيا نارىعىنىڭ 40%-ىن يەلەنگەن. اقش-تىڭ ءىرى اۆياكومپانيالارىنىڭ باسشىلارى ەلدەگى كوروناۆيرۋس ىندەتىنىڭ كوبەيۋى رەيستەرگە سۇرانىستىڭ ازايۋىنا سەبەپ بولعانىن ايتتى.

ازاماتتار ساياحاتتارعا ارنالعان بيۋدجەتتەرىن قىسقارتتى جانە بەينە كونفەرەنتسيالارعا بەيىمدەلدى. جوعارى دەڭگەيدەگى جۇمىسسىزدىق پەن ىندەتكە بايلانىستى قاۋىپ ساياحاتتاۋعا مۇمكىندىك بەرمەدى، سوندىقتان تۇتىنۋشىلار اۋە ساپارلارىنا شىعىۋدى قىسقارتتى.

حالىقارالىق اۆياتسيا قاۋىمداستىعى ۇلىبريتانيانىڭ سەنبىدەگى (25 شىلدە) يسپانيادان يمميگرانتتاردى كارانتينگە جاتقىزۋ تۋرالى بۇيرىعى سياقتى اياقاستى جاريالانعان شەكتەۋلەر ادامداردىڭ ساياحاتتاۋعا دەگەن قۇلشىنىستارىنان ايىردى دەپ مالىمدەدى.

Agence France-Presse حابارىنشا، كەم دەگەندە 8 قىتايلىق اۋە كومپانياسى ىشكى رەيستەردى جانداندىرۋ ءۇشىن ارزان باعامەن «ءوز قالاۋىڭىز بويىنشا ۇشۋ» اكتسياسىن باستاعان.

"The Qazaq Times"