قىتاي اقش كونسۋلدىعىنىڭ كۇزەتىن كۇشەيتتى

قىتاي چىڭدۋ قالاسىنداعى اقش كونسۋلدىعىنىڭ كۇزەتىن كۇشەيتتى: وكىلدىكتىڭ الدىندا پوليتسەيلەر كوبەيگەن. تالاپ بويىنشا كونسۋلدىق قىزمەتكەرلەرى عيماراتتى الداعى دۇيسەنبىنىڭ تاڭعى ساعات 10-عا دەيىن بوساتۋى ءتيىس.

24 شىلدەدە قىتاي ۇكىمەتى اقش-تىڭ چىڭدۋداعى باس كونسۋلدىعىن جاباتىنىن حابارلاعان بولاتىن. ال رەسمي ۋاشينگتون قىتاي ۇكىمەتى بۇگىن اقش-تىڭ چىڭدۋ قالاسىنداعى باس كونسۋلدىعىن جابادى، بۇل اقش-تىڭ قىتايدىڭ حيۋستونداعى باس كونسۋلدىعىن جابۋ تۋرالى شەشىمىنە «زاڭدى جاۋاپ» دەپ مالىمدەدى.

بۇعان دەيىن قىتاي ۋاشينگتوننىڭ حيۋستونداعى قحر باس كونسۋلدىعىن جابۋ تۋرالى شەشىمىنە قارىمتا جاۋاپ بەرەمىز دەگەن. كەيىننەن قىتاي ءسىم وكىلى ۆان ۆەنبين ۋاشينگتون ءوز تالابىنان باس تارتپاسا، قاجەتتى شارالار قابىلدايتىنىن ايتقان.

اقش مەملەكەتتىك دەپارتامەنتىنىڭ وكىلى مورگان ورتاگۋس حيۋستونداعى قىتاي ديپلوماتيالىق ورتالىعىن جابۋ تۋرالى شەشىم «امەريكالىق زياتكەرلىك مەنشىك پەن امەريكالىقتاردىڭ جەكە دەرەكتەرىن قورعاۋ ءۇشىن» قابىلدانعانىن ايتتى. سەبەبى وسىعان دەيىن قىتاي حاكەرلەرىنىڭ امەريكاداعى قۇپيا دەرەكتەردى ۇرلاماق بولعانى شەتەلدىك باسىلىمداردا جازىلدى.

"The Qazaq Times"