فوتو: Segodnya.ua

قىتاي ۇكىمەتى اقش-تىڭ چىڭدۋداعى باس كونسۋلدىعىن جاباتىنىن مالىمدەدى.

رەسمي ۋاشينگتون قىتاي ۇكىمەتى بۇگىن اقش-تىڭ چىڭدۋ قالاسىنداعى باس كونسۋلدىعىن جابادى، بۇل اقش-تىڭ قىتايدىڭ حيۋستونداعى باس كونسۋلدىعىن جابۋ تۋرالى شەشىمىنە «زاڭدى جاۋاپ» دەپ مالىمدەدى. بۇعان دەيىن ترامپ اقش-تاعى قىتاي كونسۋلدىقتارى جابىلادى لدەپ حابارلاعان بولاتىن.

قاتاي سىرتقى ىستەر مينيسترلىگى ەكى جاقتى قاتىناستى قالپىنا كەلتىرۋ ءۇشىن اقش تارابى قابىلداعان شارالاردىڭ كۇشىن جويۋى كەرەك دەيدى. ال بەيسەنبىدە حيۋستونداعى قىتاي كونسۋلدىعىنىڭ باس كونسۋلى كاي ۆەي Politico ۆەب-سايتىنا بەرگەن سۇحباتىندا امەريكانىڭ ايىپتاۋلارىن جوققا شىعاردى جانە اقش-تىڭ سۇراۋى بويىنشا جۇما ساعات 16:00-گە دەيىن كونسۋلدىقتىڭ جابىلاتىنىن ايتتى. ول: «قازىرگى ۋاقىتتا كونسۋلدىق قالىپتى جۇمىس ىستەيدى. مەن ەرتەڭ نە بولاتىنىن كورەمىن» دەدى.

پومپەو قىتايدىڭ قۇراما شتاتتارداعى ديپلوماتتارى اقش-تىڭ قىتايداعى ديپلوماتتارىنا قاراعاندا الدەقايدا كوپ ەكەنىن ايتتى. سونىمەن قاتار وتكەن تاۋلىكتە كاليفورنيادا سويلەگەن سوزىندە: «ءبىز حيۋستونداعى قىتاي كونسۋلدىعىنىڭ جابىلاتىنىن جاريالادىق، سەبەبى بۇل تىڭشىلىق پەن ۇرلاۋ ورتالىعى» -  دەگەن.

قازىرگى ۋاقىتتا ەكى ەلدە بىردەي ەلشىلىكتەر مەن كونسۋلدىقتار بار، ياعني ءبىر ەلشىلىك پەن بەس كونسۋلدىق ءار قالالاردا ورنالاسقان.

"The Qazaq Times"