ۇلىبريتانيا سىرتقى ىستەر ءمينيسترى د. رااب جەكسەنبىد شىڭجاڭداعى ادام قۇقىقتارىن بۇزىۋىنا بايلانىستى قىتايعا قارسى سانكتسيالار سالاتىنىن مالىمدەدى. بۇعان دەيىن بريتان-قىتاي قاتىناسى گونكونگ ماسەلەسى جانە قىتايلىق "حۋاۆەي" كومپانياسىنىڭ ونىمدەرىن شەكتەۋ ماسەلەسى بويىنشا شيەلەنىسىپ تۇرعان بولاتىن.

بريتان ءسىم باسشىسى BBC-گە بەرگەن سۇحباتىندا قىتاي ۇكىمەتى شىڭجاڭدا ادام قۇقىعىن ورەسكەل بۇزىپ وتىرعانىن ايىپتاعان جانە 27 ەل بۇۇ كونفەرەنتسياسىندا قىتاي ۇكىمەتىنەن شىڭجاڭ مەن گونكونگتا ادام قۇقىقتارىن بۇزۋدى توقتاتۋدى تالاپ ەتەتىنىن جەتكىزگەن.

رااب سونداي-اق، دۇيسەنبىدە (20 شىلدە) ۇلىبريتانيا پارلامەنتىنە قىتايعا قارسى جاڭا شارالار ۇسىناتىنىن العا تارتتى.

بۇدان بۇرىن M16 اگەنتتىگىنىڭ بۇرىنعى باسشىسى قىتايمەن قارىم-قاتىناستى قالپىنا كەلتىرۋ تۋرالى ۇندەۋىنە جاساعان بولاتىن. اعىلشىن ءسىم باسشىسى بۇل جونىندە: "ۇلىبريتانيا دۇرىس قارىم-قاتىناسقا ۇمىتكەر. قىتايمەن ساۋدا، ينۆەستيتسيا جانە كليماتتىڭ وزگەرۋى سياقتى ماسەلەلەردە ىنتىماقتاستىق ساقتايدى. بىراق، گونكونگ پەن Huawei سەكىلدى ءتۇبىرلى مۇددەگە ساياتىن ماسەلەلەردە قىتايعا ءوزىنىڭ ۇستانىمىن ناقتى ءبىلدىرۋى كەرەك", - دەگەن پىكىرىن بىلدىرگەن. ول سوزىندە ەندىگى جەردە ۇلىبريتانيا-قىتاي قاتىناسى بۇرىنعىداي بولمايتىنىن اشىق ايتقان.

قىتايدىڭ ۇلىبريتانياداعى ەلشىسى ليۋ شياۋميڭ (ليۋ سياومينگ) BBC-گە، ۇيعىرلاردىڭ باسىم كوپشىلىگى باقىتتى ءومىر ءسۇرىپ جاتىر جانە قىتايدا ەتنيكالىق ازشىلىق توپتارعا بىردەي قارايدى دەگەن ماعىنا پىكىر بەرگەن. ول جانە ۇلىبريتانيا قىتايعا سانكتسيا سالسا، قىتاي قاتاڭ جاۋاپ قايتاراتىنىن ەسكەرتكەن.

"The Qazaq Times"