وسى اپتادا اقش پرەزيدەنتى د.ترامپ «گونكونگ تۋرالى زاڭعا» قول قويدى. زاڭ بويىنشا اقش مەملەكەتتىك دەپارتامەنتى 90 كۇن ىشىندە سانكتسيا سالىناتىن قىتاي ازاماتتارىنىڭ ءتىزىمىن جاساۋى كەرەك.

سانكتسيا تالابىنا ساي قىتايلىق جەكە تۇلعانىڭ جانە وتباسى مۇشەلەرىنە اقش تەرريتورياسىنا كىرۋنە شەكتەۋ قويىادى جانە قارجىلىق ەسەپتەرى مۇزداتىلادى.
Bloomberg News سارسەنبىدە اقش ۇكىمەتتىنە سىلتەمە جاساپ، گونكونگتىڭ اتقارۋشى ديرەكتورى كەرري لام مەن قىتاي پرەمەر-ءمينيسترىنىڭ ورىنباسارى گونكونگ پەن ماكاو ىستەرىن باسقاراتىن حان چجەننىڭ سانكتسيا تىزىمىنە قوسقانى تۋرالى اق ۇيگە حابارلانعانىن، الايدا بۇل شەشىمدى پرەزيدەنت ترامپ قازىر جاريالامايتنىن ايتقان.

New York Times وتكەن تاۋلىكتە كوپتەگەن اقپارات كوزدەرىنە سىلتەمە جاساي وتىرىپ جاريالادى، ترامپ اكىمشىلىگى قكپ مۇشەلەرى مەن ولاردىڭ وتباسىلارىنىڭ اقش-قا كىرۋىنە تولىعىمەن تىيىم سالاتىن، سونىڭ ىشىندە قۇراما شتاتتارعا كىرگەن جانە قىتاي ازاماتتارى مەن ولاردىڭ وتباسى مۇشەلەرىنىڭ ۆيزالارىن الىپ تاستاي الاتىن قىتاي ازاماتتارىن شەكتەيتىن زاڭ جوباسى ازىرلەنۋدە دەپ مالىمدەدى.

الايدا،  اق ءۇيدىڭ ۇلتتىق قاۋىپسىزدىك جونىندەگى كەڭەسشىسى جوعارىداعى اقپاراتتى راستامادى. بىراق قىتاي ازاماتتارىنا قاتىستى سانكتسيالار تۋرالى ازىرگە شەشىم قابىلدانباعانىن ايتتى. قىتاي كومۋنيستىك پارتياسىنىڭ جالپى سانى 300 ميلليونعا جۋىق، سول سەبەپتى امەريكالىق ساراپشىلار 300 ميلليون قىتايلىقتىڭ اقش-قا كىرۋىن شەكتەۋ ءىس جۇزىندە قيىن، الايدا، پارتيا مۇشەلەرىنىڭ كوپشىلىگى ساياساتقا ارالاسپايدى دەيدى.

ەسكە سالا كەتسەك، بۇعان دەيىن اقش پەن قىتاي شىڭجاڭداعى ادام قۇقىقتارى جانە باسقا دا داۋلارعا بايلانىستى ءوزارا ۆيزالىق سانكتسيالاردى ەنگىزدى.
اقش پرەزيدەنت ترامپ «گونكونگ تۋرالى» زاڭعا قول قويىلعانىن جاريالاي سالسىمەن قىتايدىڭ سىرتقى ىستەر مينيسترلىگى اق ۇيگە «گونكونگ اۆتونومياسى تۋرالى» زاڭدى ىسكە اسىرماۋدى ەسكەرتتى، زاڭ ورىندالعان جاعدايدا «قىتاي مىندەتتى تۇردە قاتاڭ جاۋاپ بەرەدى»دەدى.قىتاي جاۋاپ رەتىندە اقش-تىڭ قىزمەتكەرى مەن وبەكتلەرىنە سانكتسيالار سالۋ بولماق.

"The Qazaq Times"