ۇلىبريتانيادا جاڭا ەرەجە بويىنشا جەرگىلىكتى حالىق قوعامدىق كولىككە مىنگەندە نەمەسە اۋرۋحانالارعا بارعاندا عانا ماسكا كيۋگە مىندەتتەلەدى. سەبەبى ەلدەگى احۋال ناشارلاعان.

ەل پرەمەر-ءمينيسترى بوريس دجونسون: «مەنىڭ ويىمشا، ءبىز حالىقتان بۇرىن-سوڭدى كورمەگەن ادامدارمەن جابىق عيماراتتاردا جۇزدەسكەندە ماسكا كيۋلەرىن تالاپ ەتۋىمىز كەرەك. قوعامدىق كولىكپەن قاتىنايتىندار بۇنى بۇلجىتپاي ورىنداۋلارى شارت. ينفەكتسيانىڭ تارالۋ قاۋپى بار دۇكەندەردە، مىسالى، بەتپەردە كيىپ جۇرۋگە مىندەتتەۋدىڭ جولدارىن قاراستىرىپ جاتىرمىز»، – دەپ مالىمدەدى.

پاندەميا سالدارىنان بىرقاتار ەۋروپا ەللەرىنىڭ ەكونوميكاسى تۇرالاپ قالعان. ماسەلەن، ۇلىبريتانياداعى بۇل جولعى داعدارىس 2008 جىلعى توقىراۋدان ءۇش ەسە اۋىر. ساۋىردە ەلدىڭ ىشكى جالپى ءونىمى 20,4% - كە ازايعان. بۇل – سوڭعى 40 جىلدا بولماعان ەكونوميكالىق قۇلدىراۋ.

رەسمي مالىمەتتەر بويىنشا، قازىر بىرىككەن كورولدىك ۆيرۋستان قازا تاپقاندار سانى بويىنشا العاشقى ۇشتىكتە تۇر. ەلدە 44 مىڭ ناۋقاس كوز جۇمعان.

"The Qazaq Times"