بريتاندىق اقپارات قۇرالدارىنىڭ حابارلاۋىنشا، اعىلشىن ۇكىمەتى قىتايلىق Huawei كومپانياسىن 5G جەلىسىنە مەردىگەرلىككە قاتىسۋىن توقتاتادى. بۇل شەشىم لوندون مەن بەيجىڭ اراسىنداعى شيەلەنىستى كۇشەيتەك، دەگەنمەن لوندون شەشىمىن ۋاشينگتون قۋاتتاپ وتىر.
Sunday Telegraph باسىلمى حابارىندا بريتان ۇلتتىق قاۋىپسىزدىك كوميتەتى (NCSC) قىتايلىق كومپانيانىڭ ءوز قۇرىلعىلارىنان پايدالانىپ جاسىرىن تىڭداۋ قاۋپىن قايتا قاراعانىن، ناتيجەسىندە بريتان شەنەۋنىكتەرى بۇنداي قاۋىپى راستاعان.
بۇعان دەيىن، بريتان ۇلتتىق قاۋىپسىزدىك كوميتەتىنە قاراستى GCHQ بارلاۋ اگەنتتىگى Huawei كومپانياسى تاراپىنان كەلەتىن قاۋىپتى سەيىلتۋگە جانە باقىلاۋدا ۇستاۋعا بولادى دەپ مالىمدەگەن ەدى. بىراق، بۇل پىكىرمەن امەريكالىق بارلاۋ اگەنتتىكتەرى كەلىسپەدى. وتكەن ايدا Huawei-گە اقش تاراپىنان ەنگىزگەن جاڭا شەكتەۋ شارالارى بريتاندىق GCHQ بارلاۋ اگەنتتىگىنىڭ جوعارىداعى پىكىرىن وزگەرتۋنە باستى سەبەپ بولعان.
اعىلشىندىق كيبەرقاۋىپسىزدىك ورتالىعى باسشىلارى اقش سالعان سانكتسياعا بايلانىستى ۇلىبريتانياداعى اقش كومپانيالارى مەن بولىمشەلەر دە Huawei كوپمانياسىنىڭ تەحنيكاسىن پايدالانبايدى، سول سەبەپتى بريتاندىق 5G ينتەرنەت جەلىسىندە قىتاي كومپانياسىنىڭ بوۋى «سەنىمسىزدىك» تۋدىرادى دەپ سانايدى.
بريتان ۇكىمەتى 5G جەلىسىنە ورناتىلعان Huawei قۇرىلعىلارىن جەلىدەن شىعارۋدى جوسپارلاۋدا. اعىلشىندىق BT جانە Vodafone تەلەكوممۋنيكاتسيا كومپانيالارى ۇكىمەتتەن 2030 جىلعا دەيىن Huawei كومپانياسىن 5G جوباسىنان شىعارۋعا ءوتىنىش ءبىلدىردى، بىراق بريتان ۇكىمەتى ەرتەرەك ارەكەت ەتپەسەك 5G جەلىسىنىڭ ىسكە قولسىلۋى كەشەۋىلدەيدى دەپ وتىر.
بريتان بيلىگىنىڭ قىتايلىق تەحنولوگيا الىبىنا شەكتەۋ قويۋىنا گونكونگ ماسەلەسى تىكەلەي اسەر ەتتى. بۇعان دەيىن لوندون تارابى قىتاي كومپانياسىن شەتتەتۋدە ۋاشينگتوننىڭ دەگەنىمەن تولىق كەلىسە قويماعان ەدى. بەيجىڭ قابىلداعان گونكونگقا قاتىستى ۇلتتىق قاۋىپسىزدىك تۋرالى زاڭ جوباسى گونكونگ تۇرعىندارىنىڭ ەركىندىگىن شەكتەدى جانە بريتان تارابى ونى 1997 جىلى ۇلىبريتانيا-قىتاي اراسىندا جاسالعان كەلىسىمدى بۇزۋ دەپ قابىلدادى. بەيجىڭگە جاۋاپ رەتىندە گونكونگ تۇرعىندارىنىڭ ۇلىبريانياعا كوشۋىنە رۇقسات بەردى جانە 3 ملن تۇرعىنعا ازاماتتىق بەرەتىنىن جەتكىزدى. قىتاي تارابى بۇنى ەلدىڭ ىشكى ىسىنە ارالاسۋ دەپ ايىپتادى. ناتيجەدە ەكى ەل اراسىنداعى ديپلوماتيالىق قايشىلىق كۇشەيدى.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى