قىتايدا قاۋىپتى جاڭا ۆيرۋس تابىلدى. فوتو: اشىق دەرەككوزدەردەن.

قىتايلىق ماماندار تىماۋ ۆيرۋسىنىڭ جاڭا ءتۇرىن انىقتادى. ولار بۇل ۆيرۋس جاڭا پاندەمياعا الىپ كەلۋى مۇمكىن دەپ قاۋىپتەنۋدە.

قىتاي زەرتتەۋشىلەرى بۇل ۆيرۋستىڭ جاقىندا عانا پايدا بولعانىن جانە شوشقا ارقىلى تارايتىنىن، سونداي-اق، ادامعا جۇعۋ قاۋپىنىڭ بار ەكەنىن انىقتاعان. ەگەر ۆيرۋس بەيىمدەلگىشتىكپەن (مۋتاتسيا) ادامدارعا تاراپ كەتسە الەمدىك جاڭا ىندەتكە اينالۋى بەك مۇمكىن.

قىتايلىق ۆيرۋس زەرتتەۋشى ماماندار ءدال قازىر جاعدايدىڭ ۇرەي تۋدىرارلىقتاي ەمەس ەكەنىن، بىراق ءجىتى قاداعالاماسا قاۋىپتى ىندەتكە ۇلاسىپ كەتۋ مۇمكىنشىگى كۇشتى.

الەم شوشقا تىماۋىنا بۇدان بۇرىن دا تاپ كەلگەن. 2009 جىلى مەكسيكادا تاراعان شوشقا تىماۋى وسىعان ۇقساس. ۆيرۋس تەز تاراعىش بولعانىمەن، تىماۋ ۆيرۋسىنا ۇقساس بولعاندىقتان ادامداردىڭ وعان قارسىلىق قۋاتى كومەكتەسە العان. بىراق، بۇل رەت قىتايدا تابىلعان ۆيرۋس وعان مۇلدە ۇقسامايدى. ادامدار اراسىندا تاراسا تابيعي يممۋنيتەت ارقىلى ەڭسەرۋ قيىن بولماق.

قىتايدا جاڭا ۆيرۋس بايقالىپ جاتقاندا، دۇنيەجۇزىلىك دەنساۋلىق ساقتاۋ ۇيىمى مالىمدەمە جاساپ، كوروناۆيرۋس پاندەمياسىنىڭ قاۋىپتى كەزەڭدەرى ءالى الدا دەپ كورسەتتى. ۇيىمنىڭ بىلدىرۋىنشە، ەگەر ۇكىمەتتەر دۇرىس شارا قولدانباسا ۆيرۋس وزدىگىنەن توقتاپ قالمايدى.

“The Qazaq Times”