قازاقستاندا كوروناۆيرۋس ينفەكتسياسىنىڭ تارالۋ قارقىنى باسەڭدەگەن جوق. دەنساۋلىق ساقتاۋ مينيسترلىگىنىڭ رەسمي سايتىنداعى سوڭعى مالىمەت بويىنشا  20 ماۋسىم كۇنى ەلدە ۆيرۋس جۇقتىرۋدىڭ 446 دەرەگى تىركەلگەن.

پاندەميا ۆيرۋسىن جۇقتىرعان ادامداردىڭ جالپى سانى­  17225 ادامدى قۇرادى. سىرقاتتاردىڭ باسىم كوپشىلىگى الماتى، استانا مەن شىمكەنت قالاسىندا جانە اتىراۋ،قاراعاندى مەن باتىس قازاقستان وبلىستارىندا تىركەلگەن. بۇل ايماقتاردىڭ ارقايسىسىندا ناۋقاستاردىڭ سانى مىڭنان اسادى. ناقتىراق ايتساق، الماتىدا—3358, استانادا—3245, قاراعاندى وبلىسىندا—1839, اتىراۋ وبلىسىندا—1402, شىمكەنتتە—1277, بقو—1125 ادام ۆيرۋس جۇقتىرعان دەلىنەدى رەسمي مالىمەتتە. سونىمەن قاتار،مينيسترلىك كوروناۆيرۋستان ەمدەلىپ شىققاندار سانى 10671-گە، قايتىس بولعاندار سانى 118-گە جەتتى دەپ وتىر.

قازاقستاندا كارانتين شارالارى جۇمسارتىلعاننان كەيىن ينفەكتسيانى جۇقتىرۋشىلار سانى كۇر ءوستى. بيلىك وكىلدەرى ۆيرۋستىڭ ورشۋىنە قاراپايىم حالىقتىڭ قورعانىس ەرەجەلەرىن ساقتاماعاندىعى سەبەپ بولدى دەيدى. ال، ەل ىشىندە كوروناۆيرۋس ينفەكتسيسىنىڭ بار ەكەندىگىنە كۇمانمەن قارايتىندار كوپ.

"The Qazaq Times"