ءۇندىستاندا قىتايمەن شەكارادا بولعان قاقتىعىستان كەيىن حالىق نارازىلىعى كۇشەيىپ، شەرۋلەر ءوتتى. سولتۇستىكتەگى كانپۋر قالاسىندا كوشەگە شىققان ادامدار قىتاي باسشىسى شي ءتسزينپيننىڭ سۋرەتىن ورتەدى.

شەرۋشىلەر قىتاي تۋىنا ورالعان تابىتتى جاعىپ، سۋعا لاقتىردى. نيۋ-دەليدە بىرنەشە ارداگەر قىتاي ەلشىلىگىنىڭ الدىنا جينالىپ نارازىلىعىن ءبىلدىردى.

17 ماۋسىمدا قىتاي مەن ءۇندىستان شەكاراسىندا اتىس بولىپ، 20 سارباز وققا ۇشقان. باتىس باسىلىمدارى بۇل سوڭعى 45 جىل ىشىندە ورىن العان العاشقى قارۋلى قاقتىعىس دەپ باعالادى.

ءۇندى ارمياسىنىڭ مالىمدەمەسىندە ەكى ەلدىڭ قورعانىس مينيسترلىك وكىلدەرى شيەلەنىستى رەتتەۋ ماقساتىندا كەزدەسۋ وتكىزەدى دەلىنگەن. قىتاي تاراپى مۇنداي كەزدەسۋ وتكىزىلىپ جاتقانىن راستادى جانە ءۇندىستاندى «مەملەكەتتىك شەكارانى بۇزدى» دەپ ايىپتادى. ءوز كەزەگىندە ءۇندىستاننىڭ سىرتقى ىستەر مينيسترلىگى قىتايعا وتكەن اپتادا جاسالعان شەكارا سىزىعى تۋرالى كەلىسىمدى بۇزدى دەپ ايىپتاپ وتىر. ءۇندى ءسىم مالىمدەمەسىنە سايكەس، «قيان-كەسكى قاقتىعىس قىتاي تاراپىنىڭ وڭىردەگى شەكارالىق باقىلاۋدى وزگەرتپەك بولعانى ءۇشىن ورىن العان».

"The Qazaq Times"