قىتاي مەن ءۇندىستان شەكاراسىندا اتىس بولىپ، 20 سارباز وققا ۇشتى. ۆۆس اگەنتتىگىنىڭ جازۋىنشا، بۇل سوڭعى 45 جىل ىشىندە ورىن العان العاشقى قارۋلى قاقتىعىس.
بۇعان دەيىن ءۇندى اسكەرى گالۆان القابىندا بولعان قاقتىعىستىڭ قۇرباندارى ءۇش اسكەري: وفيتسەر مەن ەكى سارباز دەگەن بولاتىن. كەيىننەن بىرنەشە ادامنىڭ جاراقاتتانعانى بەلگىلى بولدى.
ءۇندى ارمياسىنىڭ مالىمدەمەسىندە ەكى ەلدىڭ قورعانىس مينيسترلىك وكىلدەرى شيەلەنىستى رەتتەۋ ماقساتىندا كەزدەسۋ وتكىزەدى دەلىنگەن. قىتاي تاراپى مۇنداي كەزدەسۋ وتكىزىلىپ جاتقانىن راستادى جانە ءۇندىستاندى «مەملەكەتتىك شەكارانى بۇزدى» دەپ ايىپتادى.
ءوز كەزەگىندە ءۇندىستاننىڭ سىرتقى ىستەر مينيسترلىگى قىتايعا وتكەن اپتادا جاسالعان شەكارا سىزىعى تۋرالى كەلىسىمدى بۇزدى دەپ ايىپتاپ وتىر. ءۇندى ءسىم مالىمدەمەسىنە سايكەس، «قيان-كەسكى قاقتىعىس قىتاي تاراپىنىڭ وڭىردەگى شەكارالىق باقىلاۋدى وزگەرتپەك بولعانى ءۇشىن ورىن العان».
ءۇندىستان، پاكىستان جانە قىتاي «كقوز تىككەن» كاشميردەگى جاعداي سوڭعى جىلدارى شيەلەنىسىپ بارادى. وڭىردە اسكەري جانە قارۋلى توپتار اراسىنداعى قاقتىعىستار جيىلەگەن. تاراپتار اراسىنداعى شەكارالىق باقىلاۋ 1962 جىلى بولعان ءىرى قاقتىعىستان كەيىن ورناتىلعان. سوڭعى رەت ءىرى قاقتىعىس 2017 جىلى ءۇندىستان مەن بۋتاننىڭ شەكاراسىن بۇزىپ، قىتاي جۇمىسشىلارى دوكلام ۇستىرتىنە جول سالعىسى كەلگەن كەزدە ورىن الدى.
مامىردا ءۇندىستان مەن قىتاي شەكارا اۋدانىنا بىرنەشە مىڭ اسكەر جونەلتىلگەن. 6 ماۋسىمدا بولعان كەلىسسوزدەردىڭ قورىتىندىسى بويىنشا ەكى ەل داۋلى ماسەلەنى بەيبىت جولمەن شەشۋگە ۋاعدالاسقان.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى