Ündistandağı antiqıtay şerui. Foto: kor.ill.in.ua

Qıtay men Ündistan şekarasında atıs bolıp, 20 sarbaz oqqa wştı. VVS agenttiginiñ jazuınşa, bwl soñğı 45 jıl işinde orın alğan alğaşqı qarulı qaqtığıs.

Bwğan deyin ündi äskeri Galvan alqabında bolğan qaqtığıstıñ qwrbandarı üş äskeri: oficer men eki sarbaz degen bolatın. Keyinnen birneşe adamnıñ jaraqattanğanı belgili boldı.

Ündi armiyasınıñ mälimdemesinde eki eldiñ qorğanıs ministrlik ökilderi şielenisti retteu maqsatında kezdesu ötkizedi delingen. Qıtay tarapı mwnday kezdesu ötkizilip jatqanın rastadı jäne Ündistandı «memlekettik şekaranı bwzdı» dep ayıptadı.

Öz kezeginde Ündistannıñ Sırtqı ister ministrligi Qıtayğa ötken aptada jasalğan şekara sızığı turalı kelisimdi bwzdı dep ayıptap otır. Ündi SİM mälimdemesine säykes, «qiyan-keski qaqtığıs Qıtay tarapınıñ öñirdegi şekaralıq baqılaudı özgertpek bolğanı üşin orın alğan».

Ündistan, Päkistan jäne Qıtay «kqöz tikken» Kaşmirdegi jağday soñğı jıldarı şielenisip baradı. Öñirde äskeri jäne qarulı toptar arasındağı qaqtığıstar jiilegen. Taraptar arasındağı şekaralıq baqılau 1962 jılı bolğan iri qaqtığıstan keyin ornatılğan. Soñğı ret iri qaqtığıs 2017 jılı Ündistan men Butannıñ şekarasın bwzıp, Qıtay jwmısşıları Doklam üstirtine jol salğısı kelgen kezde orın aldı.

Mamırda Ündistan men Qıtay şekara audanına birneşe mıñ äsker jöneltilgen. 6 mausımda bolğan kelissözderdiñ qorıtındısı boyınşa eki el daulı mäseleni beybit jolmen şeşuge uağdalasqan.

"The Qazaq Times"