فوتو: foreignpolicyblogs.com

حالىقارالىق بالالاردى قورعاۋ قوزعالىسى سوڭعى 16 جىلدا يزرايل كۇشتەرى مەن ەۆرەي قونىستانۋشىلار تاراپىنان 2012 پالەستينالىق بالانىڭ ولتىرىلگەنىن جاريالادى. بۇل تۋرالى "اناتولى" اقپاراتتىق اگەنتتىگىنىڭ رەسمي سايتىندا جاريالاندى.

حالىقارالىق كەلىسىمدەردەن تۋىنداعان بالالار قۇقىعىن قورعاۋ ماقساتىمەن 1979 جىلدان بەرى جۇمىس ىستەپ كەلە جاتقان حالىقارالىق بالالاردى قورعاۋ قوزعالىسى سوڭعى ەسەبىندە پالەستينالىق بالالار جونىندەگى اششى شىندىقتى پاش ەتتى.

ەسەپتە باتىس شەريا، يەرۋساليم جانە گازادا سوڭعى 16 جىلدا يزرايل اسكەري كۇشتەرى مەن ەۆرەي قونىستانۋشىلار تاراپىنان 2012 پالەستينالىق بالانىڭ ولتىرىلگەنى جاريالاندى. ءيزرايلدىڭ جانۇيالاردى جازالاندىرۋ ءۇشىن بالالاردىڭ مۇردەسىن بەرمەگەنى دە اتاپ كورسەتىلدى.

سونىمەن قاتار قول سۇعىلماۋشىلىق ساياساتى پالەستينالىقتاردى ولتىرگەن يزرايل اسكەرلەردىڭ سوتتالۋىنا دا كەدەرگى بولىپ وتىر.

اتالمىش ەسەپتە يزرايل ۇكىمەتىنە قورشاۋعا الۋ ساياساتى مەن بالالاردى ءولتىرۋىن توقتاتۋ ءۇشىن شاقىرۋ تاستالدى.

“The Qazaq Times”