بەلارۋس پرەزيدەنتى الەكساندر لۋكاشەنكو ۇكىمەتتى وتستاۆكاعا جىبەردى. بۇل تۋرالى بەلتا سايتى حابارلادى.

پرەزيدەنت وتكىزگەن ارنايى كەڭەسكە رەسپۋبليكا كەڭەسىنىڭ توراعاسى ناتاليا كوچانوۆا، وكىلدەر پالاتاسىنىڭ توراعاسى ۆلاديمير اندرەيچەنكو، پرەزيدەنت اكىمشىلىگىنىڭ باسشىسى يگور سەرگەەنكو جانە قاۋىپسىزدىك كەڭەسىنىڭ مەملەكەتتىك حاتشىسى اندرەي راۆكوۆ قاتىستى.

ۇكىمەتتىڭ جاڭا قۇرامىن جاساقتاۋ تۋرالى لۋكاشەنكو 3 ماۋسىمدا ايتقان بولاتىن. لۋكاشەنكو جەرگىلىكتى باسىلىمدارعا سۇحباتىندا «ۇكىمەتتى اۋىستىرۋى كەزىندە ەلدە ەشقانداي رەۆوليۋتسيا بولمايدى، تەك كادرلاردى جاڭارتامىز» – دەدى. پرەزيدەنت قاۋلىسى رەسمي جاريالانعان سوڭ كۇشىنە ەنەدى.

"The Qazaq Times"