توكيوداعى وليمپيادانىڭ مەدالدارىن ەسكى ۇيالى تەلەفونداردان جاساماق

2020 جىلى توكيودا وتەتىن وليمپيادا ويىندارىنىڭ ءتۇرلى دارەجەدەگى مەدەلدارىن التىن، كۇمىس، قولا قوسپالارىن قوسۋ ارقىلى ەسكى گادجەتتەردىڭ مەتالدارىنان جاسالادى دەپ حابارلايدى وتر. 

جاپونيانىڭ كوپتەگەن قالالارىندا ەسكى گادجەتتەردى وتكىزەتىن ارنايى جاشىكتەر قويىلعان. كەز-كەلگەن تۇرعىن وزىنە قاجەت ەمەس تەلەفوندارىن وتكىزىپ،  وليمپيادا مەدالدارىنىڭ جاسالۋىنا ءوزىنىڭ كىشكەنە ۇلەسىن قوسا الادى. جينالعان گادجەتتەر قايتا وڭدەۋدەن وتكىزىلىپ، قاجەتتى مەتالل جابىندارى ءبولىنىپ الىناتىن بولادى. اكتسيانىڭ العاشقى كۇنىندە-اق جۇزدەن اسا ادام وزدەرىنە قاجەت ەمەس تەلەفونداردى وتكىزىپ ۇلگەرگەن.

فوتو: penunjuk.com
وليمپيادا مەدالدارى، وليمپيادا-2020

بۇل جوبانىڭ باستى ماقساتى - 2020 جىلعى وليمپيادا ويىندارىن وتكىزۋگە جۇمسالاتىن قارجىنى بارىنشا ۇنەمدەۋ بولىپ وتىر. قازىردىڭ وزىندە الەمنىڭ بايراقتى باسەكەسىنە دايىندىققا 25 ميلليارد دوللار جۇمسالعان ەكەن.

جاپون بيلىگى بارلىق مەدالداردىڭ كومپلەكتىسىن جاساۋ ءۇشىن 8 توننا مەتالل جيناۋ قاجەت ەكەندىگىن ايتىپ وتىر.

“The Qazaq Times”