گەرمانيا مەن فرانتسيا پرەزيدەنتتەرى كوروناۆيرۋس پاندەمياسى تۋىنداتقان ەكونوميكالىق داعدارىستان شىعۋ جولدارىن تالقىلادى. وسى ماقساتتا تاراپتار جاڭا قور قۇرماق. 

بۇل باستاما وداق ىشىندەگى ەكونوميكالىق جانە الەۋمەتتىك تۇراقتىلىقتى ساقتاۋعا باعىتتالعان. جوسپار ءالى تالقىلاۋدان ءوتۋى ءتيىس. انگەلا مەركەل مەن ەممانۋەل ماكرون ىندەتتەن زارداپ شەككەن ەكونوميكانىڭ سالالارىنا 500 ملرد ەۋرو مولشەرىندە جاردەم قاجەت دەيدى.

گەرمانيا كانتسلەرى سوزىندە: «ەۋروپا ۇيىمداسىپ ارەكەت ەتۋ ءتيىس. ۇلتتىق مەملەكەتتەر داعدارىستان جەكە وزدەرى شىعا المايدى. ەۋرووداق تۇراقتى بولعان جاعدايدا عانا گەرمانيا قيىندىقتارىن ەڭسەرە الادى. بىزگە بەيبىتشىلىك، ەركىندىك پەن ءار ادامنىڭ اماندىعى قاجەت»، – دەيدى.

ۇسىنىس ەۋرووداق قۇرامىنداعى باسقا مەملەكەتتەرگە دە قاتىستى. باستاپقىدا سانيتارلىق قاۋىپسىزدىكتى قامتاماسىز ەتۋ ماقساتىندا كۇش بىرىكتىرۋ كوزدەلگەن. ماسەلەن، ءدارى-دارمەكتى ساتىپ الۋدا بىرلەسكەن، بىرىڭعاي قور قۇرۋ. سونىمەن قاتار شەكارالاردى اشىپ-جابۋعا باعىتتالعان قيمىلدى ۇيلەستىرىپ، بارىنە ورتاق سانيتارلىق تالاپتاردى ساقتاۋ.

قور جونىندە ەممانۋەل ماكرون: «بۇل 500 ميلليارد ەۋرونى وسى قاراجاتتى پايدالانۋشىلار عانا قايتارمايتىنى انىق. ونى ەۋرووداق مۇشەلەرى بيۋدجەتتەرىنىڭ ۇلەسىنە سايكەس ەسەپتەيمىز. نەمەسە ءبىز بەلگىلەيتىن جارنالار ارقىلى قايتارا الادى»، – دەپ مالىمدەدى.

"The Qazaq Times"