قحدر وكىلى: كوپ ۇزاماي ءبىر ارەكەت ارقىلى سانكتسيالاردى تاس-تالقان ەتەمىز

سولتۇستىك كورەيا ورتالىق اقپارات اگەنتتى 3 ءساۋىر كۇنى كحدر سىرتقى ىستەر ءمينيسترى مالىمدەمەسىن جاريالادى. سولتۇستىك كورەي سىرتقى ىستەر مينيسترلىگىنىڭ رەسمي وكىلى سوزىندە: «كوپ ۇزاماي الەم سولتۇستىك كورەيانىڭ وزىنە قاراتقان بارلىق سانكتسيالاردى تاس-تالقان ەتكەنىنە كۋا بولادى»، – دەدى. بۇل تۋرالى بۇگىن قىتايلىق «شينحۋا» اقپاراتتىق اگەنتتىگىنىڭ رەسمي سايتىندا حابارلاندى.

3 ناۋرىز كۇنى سولتۇستىك كورەيا سىرتقى ىستەر مينيسترلىگىنىڭ رەسمي وكىلى ورتالىق اقپارات اگەنتتىگىنىڭ جۋرناليستەرىن قابىلداعان. ول 29 ءساۋىر كۇنى اقش كونگرەسى سىرتقى ىستەر دەپارتامەنتى ءبىر كۇن ىشىندە «سولتۇستىك كورەياعا قارسى ساۋدا سانكتسياسىن نىعايتۋ»; «سولتۇستىك كورەيانى قاۋىپتى تەرروريستىك ەل رەتىندە بەلگىلەۋى»; «سولتۇستىك كورەيانىڭ قۇرلىق ارالىق بالليستيكالىق زىمىران سىناعىن ايىپتاۋ» قاتارلى قارارلاردى بەكىتكەنىن تىلگە تيەك ەتكەن. وعان قوسا، 31 ناۋرىز كۇنى اقش قازىنا دەپارتامەنتى دە كحدر-عا قاراتا قوسىمشا سانكتسيا ءتىزىمىن شىعاردى. كورەي تۇبەگىندە بولىپ جاتقان بىرلەسكەن اسكەري وقۋ-جاتتىعۋلاردىڭ جەدەلدەۋى تۇبەكتەگى جاعدايدى ءتىپتى دە ۋشىقتىرعانىن ايتىپ وتكەن.

سولتۇستىك كورەيا سىرتقى ىستەر ءمينيسترىنىڭ رەسمي وكىلى: «امەريكا سانكتسيالار ارقىلى سولتۇستىك كورەيانىڭ يادرولىق قۋاتىن تەجەيمىن دەپ ارمانداماي-اق قويسىن. كوپ ۇزاماي الەم سولتۇستىك كورەيانىڭ قانشالىقتى ۇلكەن ارەكەت ارقىلى، بىزگە جاسالعان زۇلىمدىقتار مەن كورسوقىر سانكتسيالاردى تاس-تالقان ەتكەنىنە كۋا بولادى»، – دەپ قاداي ايتقان.

“The Qazaq Times”