توتەنشە جاعدايدى ىسكە اسىرۋشى ارنايى مەملەكەتتىك كوميسسياسى الماتى مەن استاناداعى كارانتيندەگى شەكتەۋ رەجيمىن 13 ساۋىرگە دەيىن سوزدى.

كارانتين كۇشەيتىلگەن كەزدە حالىق جۇمىس ىستەمەيدى، كوشەگە تەك ازىق-تۇلىك، ءدارى-دارمەككە عانا شىعا الادى. دارىگەرلەر، پوليتسەيلەر، كوممۋنالدىق قىزمەتكەرلەر عانا جۇمىس ىستەيدى.

سونىمەن قوسا، مەملەكەتتىك كوميسسيا الماتى، استانا جانە شىمكەنتتە تەز سالىناتىن اۋرۋحانا تۇرعىزۋ تۋرالى شەشىم قابىلداعان.

مەملەكەتتىك كوميسسيانىڭ شەشىمىنە ساي، شىمكەنت تە 4 ساۋىردەن باستاپ كارانتينگە جابىلماق. قازىر قازاقستاننىڭ بارلىق وبلىسىندا كارانتيندە يا شەكتەۋ قويىلعان.

قازىر قازاقستاندا 453 ادامنان ۆيرۋس تابىلدى. 29 ادام (الماتىدا 13 ناۋقاس، استانادا 16 ناۋقاس) Covid-19 دەرتىنەن ايىقتى. ءۇش ادام قايتىس بولدى.

"The Qazaq Times"