Төтенше жағдайды іске асырушы арнайы мемлекеттік комиссиясы Алматы мен астанадағы карантиндегі шектеу режимін 13 сәуірге дейін созды.

Карантин күшейтілген кезде халық жұмыс істемейді, көшеге тек азық-түлік, дәрі-дәрмекке ғана шыға алады. Дәрігерлер, полицейлер, коммуналдық қызметкерлер ғана жұмыс істейді.

Сонымен қоса, мемлекеттік комиссия Алматы, астана және Шымкентте тез салынатын аурухана тұрғызу туралы шешім қабылдаған.

Мемлекеттік комиссияның шешіміне сай, Шымкент те 4 сәуірден бастап карантинге жабылмақ. Қазір Қазақстанның барлық облысында карантинде я шектеу қойылған.

Қазір Қазақстанда 453 адамнан вирус табылды. 29 адам (Алматыда 13 науқас, астанада 16 науқас) Covid-19 дертінен айықты. Үш адам қайтыс болды.

"The Qazaq Times"