قىزىلوردا وبلىسىنىڭ بۇرىنعى اكىمى ۇيقاماققا الىندى

قىزىلوردا وبلىسىنىڭ بۇرىنعى اكىمى قۋانىشبەك ىسقاقوۆ ەكى ايعا ۇيقاماققا الىندى. بۇل تۋرالى قىزىلوردا وبلىستىق سوتىنىڭ ءباسپاسوز قىزمەتى حابارلادى.

قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىمەن 28.03.2020 جىلى قىزىلوردا قالاسىنىڭ مامانداندىرىلعان تەرگەۋ سوتىنا قىزىلوردا وبلىسىنىڭ اكىمى ق.ىسقاقوۆقا قاتىستى ۇيقاماق تۇرىندەگى بۇلتارتپاۋ شاراسىن قولدانۋ تۋرالى ءوتىنىشحات تۇسكەن.

اتالعان تۇلعاعا قك-ءنىڭ 190-بابىنىڭ 4-بولىگىنىڭ 2-ارماعىمەن كۇدىك كەلتىرىلگەن. كۇدىكتى قۋانىشبەك دوسمايلوۆيچ ىسقاقوۆقا قاتىستى «ۇيقاماق» تۇرىندەگى بۇلتارتپاۋ شاراسىن قولدانۋ تۋرالى ءوتىنىشحات قاناعاتتاندىرىلدى.

مالىمەتتەر بويىنشا، «ۇيقاماق» بۇلتارتپاۋ شاراسىنىڭ 2 اي مەرزىمى 26.03.2020 جىلى ساعات 22:28-دەن باستاپ 26.05.2020 جىلى ساعات 22:28-گە دەيىن بەلگىلەنگەن.

ايتا كەتەيىك، 28 ناۋرىزدا گۇلشارا ابدىحالىقوۆا پرەزيدەنت جارلىعىمەن قىزىلوردا وبلىسىنىڭ اكىمى قىزمەتىنە تاعايىندالدى.

"The Qazaq Times"