جاھاندىق دەڭگەيدەگى G20 كوشباسشىلارىنىڭ ءسامميتى بەينەكونفەرەنتسيا فورماتىندا ءوتتى. تاراپتار كوروناۆيرۋستىڭ تارالۋى مەن پاندەميانىڭ ەكونوميكالىق سالدارىمەن كۇرەسۋ ماسەلەلەرىن تالقىلادى.

سامميت قورىتىندىسى بويىنشا G20 ەلدەرى تومەندەگى شارالاردى شۇعىل ارادا جۇزەگە اسىرۋ تۋرالى كەلىسىمگە كەلدى:

1. كوروناۆيرۋستىق پاندەميامەن كۇرەستە بىرىككەن مەملەكەتتەر رەتىندە ارەكەت ەتۋ;

2. پاندەميانىڭ قارجىلىق سالدارىن ەڭسەرۋ ءۇشىن الەمدىك ەكونوميكاعا 5 ترلن. ءبولۋ

3. ەركىن، تۇراقتى حالىقارالىق ساۋدانى قولداۋ;

4. دۇنيەجۇزىلىك دەنساۋلىق ساقتاۋ ۇيىمىمەن (بدسۇ), بىرىككەن ۇلتتار ۇيىمىمەن (بۇۇ) جانە حالىقارالىق ۆاليۋتا قورىمەن (حۆق) بىرلەسە وتىرىپ، كوروناۆيرۋستىق پاندەميامەن كۇرەسۋ شارالارىن قابىلداۋ;

5. كوروناۆيرۋستىڭ تارالۋىن باقىلاۋ ءۇشىن ددۇ-عا قاراجات ءبولۋ.

G20 ەلدەرى ورتالىق بانكتەردىڭ كوروناۆيرۋستىڭ تارالۋى اياسىندا قابىلداعان شارالارىن جانە وليمپيادا ويىندارىن كەلەسى جىلعا كوشىرۋ تۋرالى شەشىمىن قۇپتايدى. سونىمەن قاتار G20 كوشباسشىلارى مەن دۇنيەجۇزىلىك بانكتىڭ كوروناۆيرۋستىڭ تارالۋى جاعدايىندا مۇقتاج ەلدەرگە كومەكتەسۋ ءۇشىن قابىلداعان قادامدارىن قولدايتىنىن ايتتى.

"The Qazaq Times"