ساۋد ارابياسىنىڭ تاق مۇراگەر حانزاداسى مۇحاممەد بين سالمان اس ساۋد.

«ۇلكەن جيىرمالىق» ءسامميتى، ياعني G20 مۇشەلەرىنىڭ 15-ءشى كەزەكتى جينالىسى ساۋد ارابياسىنىڭ ورتالىق قالاسى ەر-ريادتا وتپەك. شارانىڭ ەلىندە وتۋىنە ساۋد اۋلەتىنىڭ قازىرگى تاق يەسى كورول سالمان يبن ابدۋلازيز اس-ساۋد ءوزى قولداۋ بىلدىرگەن. بۇل تۋرالى سول ەلدىڭ رەسمي اقپارات اگەنتتىگى SPA حابارلادى.

قاراشا ايىندا وتەتىن جيىننىڭ باستى تاقىرىپتارىندا، G20-عا مۇشە ەلدەردىڭ ىنتىماقتاستىعىن دامىتۋ، عالامدىق ەكونوميكالىق ماسەلەلەرگە ورتاق شەشىم قاراستىرۋ جانە ەكونوميكالىق دامۋدى قامتاماسىز ەتەتىن شارالاردى تابۋ قاتارلى نەگىزگى ماقساتتارى تۇر.

بۇدان تىس سامميتتە قورشاعان ورتا، جىلۋدان لاستانۋ، كليمات وزگەرىستەرى، ميگراتسيا، ەنەرگەتيكا جانە ەكونوميكا داعدارىسىنىڭ الدىن الۋ قاتارلى قوسىمشا تاقىرىپتارى بار. ساۋد ارابياسى «ۇلكەن جيىرمالىققا» مۇشە ەلدەر باسشىلارىنىڭ ءسامميتىن  اراب ەلدەرى اراسىندا  العاش رەت ۇيىمداستىرعالى وتىر.

“The Qazaq Times”