دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى تەدروس ادحان گەبرەيەسۋس Cوvid-19 كوروناۆيرۋس پاندەمياسىنىڭ الەمدە كۇن ساناپ جوعارى قارقىنمەن تارالىپ وتىر دەيدى.

ۆيرۋس جۇقتىرۋ دەرەگى ءبىرىنشى رەت انىقتالىپ، 100 مىڭ ادامعا جەتكەنگە دەيىن 67 كۇن ءوتتى. 100 مىڭنان 200 مىڭعا دەيىن 11 كۇننىڭ ىشىندە جەتسە، كەزەكتى 100 مىڭ ادام بار بولعانى ءتورت كۇننىڭ ىشىندە انىقتالعان. جەنەۆادا وتكەن ءباسپاسوز ءماسليحاتىندا ددسۇ وكىلدەرى بارلىق مەملەكەتتەر كارانتيندى تالاپتارىن ورىندامايىنشا،قاۋىپتى ۆيرۋستان زارداپ شەگۋشىلەر سانى ازايمايدى دەيدى.

سوڭعى دەرەكتەر بويىنشا، كوروناۆيرۋس الەمنىڭ 157 ەلىنە تاراپ، 375 مىڭعا جۋىق ادامنان ۆيرۋس دەرەگى انىقتالدى. 16 332 ادام قايتىس بولسا، 100 مىڭداي ادام دەرتتەن ساۋىققان.

"The Qazaq Times"