بەلارۋس بيلىگى ەسكەرتۋگە قاراماستان شەتەلگە كەتكەن ازاماتتاردى ەلگە قايتارمايدى. بۇل تۋرالى ەل پرەزيدەنتى الەكساندر لۋكاشەنكو مالىمدەدى.

لۋكاشەنكو: «ادامداردى وزدەرى جانە جاقىندارى ءۇشىن جاۋاپتى بولۋعا ۇيرەتەتىن كەز كەلدى. ەگەر جوتەلىپ نەمەسە تۇشكىرىپ جۇرسەڭ سىرتقا شىقپاي، وزگەلەرگە جۇقتىرما. بار ماسەلە وسىندا. بىز شەتەلگە بارماۋدى تالاي رەت ايتقانىمىزبەن ءبارىبىر تىڭدامايدى. ەسكەرتۋىمىزدەن كەيىن شەتەلگە كەتكەندەرگە چارتەر جىبەرمەيمىز. ەندى پاندەميا بىتكەنشە، سوندا قالا بەرسىن»، — دەيدى.

وسى اپتادان باستاپ بەلارۋستە ەلدەن كەتپەۋ ەسكەرتۋىنە قۇلاق اسپاي، شەتەلگە بارعان ازاماتتارعا قارسى قاتال شارا قابىلدانباق.
ەلدە سوڭعى ءبىر تاۋلىكتە كوروناۆيرۋستى جۇقتىرعاندار سانى 10%-عا ءوسىپ، 76 ادامعا جەتتى. بىراق ۇكىمەت ءالى كۇنگە دەيىن كارانتين جاريالاعان جوق. جەكە مەنشىك كومپانيالار ءوز بەتىمەن قىزمەتكەرلەرىن قاشىقتان جۇمىس ىستەۋ تارتىبىنە اۋىستىرىپ جاتىر. ستۋدەنتتەر وقۋعا بويكوت جاريالاپ، ساباققا بارۋدان باس تارتقان.

"The Qazaq Times"