كوروناۆيرۋس پاندەمياسىنىڭ ءورشۋى سەبەپتى ەۋروپالىق وداق پەن شەنگەن اۋماعىنا كىرەتىن ەلدەردىڭ شەكاراسى جابىلادى. بۇل تۋرالى فرانتسيا پرەزيدەنتى ەممانۋەل ماكرون تەلەۇندەۋدە حابارلادى.

فرانتسيا پرەزيدەنتى سوزىندە: «كەز كەلگەن جينالىستار، وتباسىلىق مەرەكەلەردىڭ ۇيىمداستىرىلۋىنا تىيىم سالىنادى. بيلىكتىڭ بۇعان دەيىن قويعان شەكتەۋلەرىنە قاراماستان، حالىق سانيتارلىق نورمالارعا سايكەس تالاپتاردى ورىنداماي جاتىر. كوشەگە شىعۋدى دا دوعارۋ كەرەك. بارىنشا ساقانۋعا تىرىسايىق»، – دەدى.

شەكتەۋ 30 كۇنگە سوزىلماق. سونىمەن قاتار جەرگىلىكتى بيلىك ازاماتتاردىڭ ەل ىشىندەگى قوزعالىسىن دا شەكتەدى. ەرەجە بۇگىننەن باستاپ كۇشىنە ەنىپ، 15 كۇنگە جالعاسادى.

فرانتسيا ۇكىمەتى كەشەدەن بەرى شاعىن كاسىپورىندار ءۇشىن كومۋنالدى تولەمدەر مەن سالىقتى ۋاقىتشا تولەمەۋگە رۇقسات بەردى. قازىر ەلدە بارلىق وقۋ ورىندارى، مەيرامحانالار، سپورتزالدار مەن كىتاپحانالار جابىق. سوڭعى دەرەكتەرگە سايكەس فرانتسيادا 6,5 مىڭ ادام كوروناۆيرۋس جۇقتىرعان. ال 148 ناۋقاس وسى دەرتتەن كوز جۇمدى.

"The Qazaq Times"