تج كەزىندەگى تەكسەرىس. فوتو: Reuters / Yonhap

پرەزيدەنت قاسىم-جومارت توقاەۆ كوروناۆيرۋس ىندەتىنىڭ ورشۋىنە بايلانىستى قازاقستان اۋماعىندا توتەنشە جاعداي جاريالادى.

پرەزيدەنت شاشقان №285 جارلىقتا «دۇنيەجۇزىلىك دەنساۋلىق ساقتاۋ ۇيىمىنىڭ جاڭا COVID-19 كوروناۆيرۋسىن پاندەميا دەپ جاريالاۋىنا بايلانىستى ازاماتتاردىڭ ءومىرى مەن دەنساۋلىعىن قورعاۋ ماقساتىندا قازاقستاننىڭ بارلىق اۋماعىندا 2020 جىلدىڭ 16 ناۋرىز ساعات 8.00-دەن باستاپ، 2020 جىلدىڭ 15 ءساۋىر ساعات 7.00-نە دەيىن توتەنشە جاعداي ەنگىزىلسىن» دەلىنگەن.

اقوردادان كەلگەن پارمەن بويىنشا پرەزيدەنتى جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ قۇرامى بەكىتىلدى. وعان ۇكىمەت باستىعى توراعالىق ەتەدى. كوميسسيا قۇرامىنا ءپا باسشىسىنىڭ ورىنباسارى م.مىرزالين، باس پروكۋرور ع.نۇرداۋلەتوۆ، ۇقك توراعاسى ك.ءماسىموۆ، پارلامەنت ورىنباسارلارى ا.شاكىروۆ پەن ۆ.بوجكو، ىشكى ىستەر ءمينيسترى ە.تۇرعىمباەۆ، قورعانىس ءمينيسترى ن.ەرمەكباەۆ، اقپارات ءمينيسترى د.اباەۆ ت.ب. ۇكىمەت مۇشەلەرى كىرگەن.

ازىرگە 31 كۇنگە سوزىلاتىن توتەنشە جاعداي كەزىندە بىرقاتار شەكتەۋلەر ەنگىزىلمەك:

  • قوعامدىق ءتارتىپتىڭ ساقتالۋى، اسا ماڭىزدى مەملەكەتتىك جانە ستراتەگيالىق نىسانداردىڭ كۇزەتى كۇشەيەدى;
  • ءىرى ساۋدا نىساندارىنىڭ جۇمىس ىستەۋىنە شەكتەۋ قويىلادى;
  • ساۋدا ويىن-ساۋىق ورتالىعى، كينوتەاتر، تەاتر، كورمەنىڭ جانە كىسى كوپ جينالاتىن باسقا دا ورىنداردىڭ قىزمەتى توقتايدى;
  • كارانتين ەنگىزسىن، سانيتاريالىق-ەپيدەمياعا قارسى اۋقىمدى ءىس-امالدار اتقارىلادى;
  • ويىن-ساۋىق،  سپورتتىق  جانە باسقا دا بۇقارالىق، وتباسىلىق،  سالت-ءداستۇر جيىن-جوبالار وتكىزۋگە تىيىم سالىنادى;
  • كەيبىر ەرەكشە ساناتتاعى وكىلدەردى قوسپاعاندا، ەل اۋماعىنا كولىكتىڭ بارلىق تۇرىمەن كىرۋگە، سونداي-اق ونىڭ اۋماعىنان شىعۋعا شەكتەۋ قويىلادى.

جەكسەنبى كۇنگى تۇستەگى رەسمي مالىمەت بويىنشا، قازاقستاندا 8 ادام كوروناۆيرۋسقا شالدىققان.

"The Qazaq Times"