بۇگىن اقمولا وبلىسىنداعى تالاپكەر اۋىلىندا جۋىردا عانا 43 جاسقا تولعان، ء"ولىمىنىڭ ساياسي استارى بار" دەلىنەتىن استانالىق ازاماتتىق بەلسەندى دۋلات اعادىلدىڭ جانازاسىنان سوڭ الماتى قالاسىندا بەلسەندىلەر قارالى جيىن وتكىزىپ، پروكۋراتۋرادان سوڭعى ميتينگتە ۇستالعانداردى دەرەۋ بوساتۋدى تالاپ ەتىپ جاتىر.
الماتىداعى "رەسپۋبليكا" الاڭىنىڭ ماڭىندا دا بەلسەندىلەر جينالىپ، دۋلات اعادىلدىڭ ولىمىنە بايلانىستى ازا تۇتتى. جينالعاندار اراسىندا بالتاش تۇرسىمباەۆ جانە جاسارال قۋانىشالين قاتارلى قوعام قايراتكەرلەرى مەن جاس ساياساتكەر جانبولات ماماي بار. بەلسەندىنى ساياسي جۇيەنىڭ قۇربانى دەپ سانايتىن جۇرتشىلىق باتىس جەلتوقسان-ماحاتما گاندي كوشەلەرىنىڭ قيىلىسىنداعى الماتى قالالىق پروكۋراتۋراسى عيماراتىنىڭ الدىنا بارىپ، "پروكۋرور شىقسىن", "بوستاندىق", "22-ءسى ۇستالعاندار بوساتىلسىن", "اعادىلدىڭ ءولىمى ءادىل تەرگەلسىن" دەپ ۇرانداستى.
جينالعاندار دۋلات اعادىلدىڭ ولىمىنە تىكەلەي بيلىك كىنالى، بيلىك بۇل ارقىلى قوعام بەلسەندىلەرىن قورقىتۋدى كوزدەپ وتىر، بيلىككە قارسى شىقپاۋعا كوندىرگىسى كەلەدى دەپ سانايدى.
ءدال قازىر الماتى قالاسىنىڭ پروكۋرورى جۇيرىكتاەۆ بەرىك قۋانىشبەكۇلىنىڭ حالىق الدىنا شىعۋىن تالاپ ەتكەن 60-70 شاقتى بەلسەندىنى پوليتسيا سىرتتاي باقىلاپ، توراۋىلداپ تۇر. كوپشىلىكپەن تىلدەسۋگە تىرىسقان، ءوزىن پروكۋرور ورىنباسارىنىڭ وكىلىمىن دەپ تانىستىرعان شەندىنىڭ ءسوزىن ازاماتتار ءبولىپ، ايتقىزباي قويدى.
قۇقىق قورعاۋ ورگانىنىڭ وكىلى ورتاعا شىعىپ "دۋلات اعادىلدىڭ قازاسىنا ءبىز دە قايعىرىپ كوڭىل ايتامىز. مىنا جيىندارىڭىز زاڭسىز. جاۋاپكەرشىلىك بارىن ەسكەرتەمىز. تاراۋلارىڭىزدى سۇرايمىز" دەپ ايتتى.
پروكۋراتۋرا عيماراتىنىڭ الدىنا جينالعاندار "ميتينگ" ەمەس، قارالى جيىن ەكەنىن ايتادى. 27 اقپان 2020 جىل. الماتى قالاسى. فوتو: QT
سوڭعى بەينەۇندەۋىنىڭ بىرىندە ء"وزىنىڭ ىشىمدىك ىشپەيتىنىن، تەمەكى تارتپايتىنىن، بيلىك كەز كەلگەن ادىسپەن ءولتىرۋى مۇمكىن ەكەنىن" ەسكەرتكەن دۋلات اعادىلدىڭ بەلسەندىلەر ونىڭ بۇرىن سوڭدى «جۇرەك تالماسىمەن» اۋىرماعانىن ايتادى.
بەلسەندىنىڭ قازا بولعانى حابار تاراعان كۇننەن بەرى استانادا، الماتى جانە شىمكەنت قالاسىندا جۇرت نارازىلىققا شىققان. العاشقى كۇنى-اق ەلوردادا ەلۋگە جۋىق بەلسەندىنى پوليتسيا دەپارتامەنتى باستىعىنىڭ ءبىرىنشى ورىنباسارى باقىتجان مالىباەۆ باستاعان جاساق ءتورت اۆتوبۋسقا كۇشپەن تيەپ الىپ كەتكەن ەدى. ال كەشكىلىك الماتىداعى تسەليننىي كينوتەاترىنىڭ ماڭىنا جينالعان 50-60 شاقتى بەلسەندى پرەزيدەنت قاسىم-جومارت توقاەۆ، قالا پروكۋرورى بەرىك جۇيرىۋتاەۆ پەن ىشكى ىستەر ءمينيسترى ەرلان تۇرعىمباەۆتىڭ اتىنا تالاپ ارىز جازىپ, باق ارقىلى رەسمي تۇردە جاۋاپ بەرۋىن سۇراعان بولاتىن.
24 اقپان كەشكىسىن ساعات 20:48-دە فورماسىز كەلگەن ءبىر توپ پوليتسەي "سوتقا ءتىل تيگىزدى" دەگەن ايىپپەن دۋلات اعادىلدى «ەشقايدا كەتپەۋ» تۋرالى شاراسى رەتىندە ۇيىنەن الىپ كەتكەن ەدى. بىراق بار بولعانى 30 شاقىرىمعا جەتەر-جەتپەس قاشىقتىقتاعى يزولياتورعا تۇنگى ساعات 00:00 شاماسىندا جەتكىزىپ، اباقتىعا جاپقان.
قۇزىرلى ورگاندار 25 اقپان كەشكىسىن وتكەن بريفينگتە ازاماتتىق قۇقىق پەن دەموكراتيالىق قۇندىلىقتاردىڭ ورىندالۋىن تالاپ ەتە ءجۇرىپ بىرنەشە رەت سوتتالعان بەلسەندى اعادىلوۆ ءولىمىنىڭ سەبەبىن «جۇرەك قان تامىرلارىنىڭ جەتىسپەۋشىلىگى» دەپ اتادى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟