2761 ءولىم: كوروناۆيرۋس قۇرباندارى كوبەيىپ كەلەدى

وشاعى قىتايدان باستالىپ الەمگە تاراعان قاتەرلى كوروناۆيرۋس ىندەتىنەن 2761 كىسى كوز جۇمىپ، 80,9 مىڭ ادام جۇقتىرعان.

قىتايدان تىس 38 ەلدە: فيليپپين، گونكونگ، جاپونيا، فرانتسيا، يتاليا، تايۆان، وڭتۇستىك كورەيا جانە يراندا 46 ادام ۆيرۋستان ايىعا الماي، كوز جۇمعان.

بۇگىن بەلگىلى بولعان دەرەككە سايكەس، 80987 ادام ينفەكتسيا جۇقتىرىپ، 1868 ناۋقاس ۆيرۋستان قايتىس بولعانىن حابارلاندى.

ەل اۋماعىندا ەڭ كوپ زارداپ شەككەن حۋبەي پروۆينتسياسىندا كەشەگى ءبىر كۇننىڭ ىشىندە، 25 اقپان  401 ادامنىڭ دەرت جۇقتىرعانى، اۋرۋدان 52 ناۋقاستىڭ دەمى تاۋسىلعانى جانە 2058 ادام ساۋىعىپ شىققان دەسەدى. پروۆينتسيادا وسى ۋاقىتقا دەيىن ينفەكتسيا ينەسىنە ىلىككەندەر سانى 65187-گە جەتىپ، ونىڭ 20912-ءسى اۋرۋدان جازىلىپ شىقسا، 2615 ادام قايتىس بولعان.

دۇنيەجۇزىلىك دەنساۋلىق ساقتاۋ ۇيىمى مەن فلوريدا شتاتىنداعى ۋنيۆەرسيتەتتىك ينفەكتسيالىق اۋرۋلار ستاتيستيكاسى ورتالىعىنىڭ جەتەكشىسى، ساراپشى ايرا ءلونجينيدىڭ بولجاۋىنشا, «ادامزاتتىڭ جاۋى» اتانعان كوروناۆيرۋس دەرتىنەن جەر جۇرتشىلىعىنىڭ 3/1-ءى زارداپ شەگۋى مۇمكىن دەسەدى.

«ادامنان ادامعا جۇعۋ جولىن تويتارماساق، جاي باقىلاۋ جانە تاراتپاۋ ءادىسى ايتارلىقتاي ناتيجەگە جەتكىزە قويۋى نەعايبىل. وقاشاۋلاۋ مەن كارانتين ۆيرۋستى توقتاتۋعا قاۋقارسىز»، – دەيدى عالىم.

“The Qazaq Times”